დავით გარეჯში ანტისაოკუპაციო მოძრაობის „ძალა ერთობაშიას“ წარმომადგენლები პატრულირებენ

ანტისაოკუპაციო მოძრაობის „ძალა ერთობაშიას“ ერთ-ერთი ლიდერის, დავით ქაცარავას ინფორმაციით, დავით გარეჯში ამ დროისთვის მშვიდი ვითარებაა, თუმცა გუშინ, ადგილობრივ მოსახლეობასა და აზრებაიჯანელ მესაზღვრეებს შორის შეხლა-შემოხლას ჰქონდა ადგილი.

როგორც ქაცარავამ „ინტერპრესნიუსს“ განუცხადა, მიზეზი ის არის , რომ რამდენიმე დღის წინ აზერბაიჯანელმა მესაზღვრეებმა უდაბნოს მონასტრიდან ხატები გამოიტანეს და ქართველ მესაზღვრეებს გადასცეს. გარდა ამისა, ქაცარავას თქმით, აზერბაიჯანელი მესაზღვრეები უდაბნოს მონასტრის კელიებს საპირფარეშოდ იყენებენ.

„დავით გარეჯში გუშინ გვიან ღამით ჩავედი და მის მერე აქ ვარ. ვითარება ამ დროისთვის მშვიდი და განმუხტულია. ამაში დიდი წვლილი მიუძღვის ჩვენს მესაზღვრეებს, რითვისაც მათ მადლობას ვუხდი. ახლა გამოვედით პატრულირებაზე და ასვლა გვინდა ჩიჩხიტურის ტაძართან იმისთვის, რომ იქიდან გავეცნოთ, თუ რა მდგომარეობაა.

აზერბაიჯანელმა მესაზღვრეებმა ხატები უდაბნოს მონასტრებიდან 4-5 დღის წინ გამოიტანეს, თუმცა სამწუხაროდ, საპასუხო რეაგირება მთავრობისგან არ ყოფილა ამ ფაქტთან დაკავშირებით.

საუბარი ძალიან მერიდება, მაგრამ როგორც აღმოჩნდა, აზერბაიჯანელი მესაზღვრეები კელიებს საპირფარეშოდ იყენებენ. ეს დადასტურებული ფაქტია. საერთო ჯამში კი შექმნილმა ვითარებამ ადგილობრივ მოსახლეობაზე იმოქმედა, რაც ბუნებრივია. ჩვენი მთავრობის მხრიდან ოფიციალური პოზიცია არ დაფიქსირებულა და საზოგადოებაც ამ საკითხში არ ჩართულა. აქედან გამომდინარე, არც გამკვირვებია ადგილობრივი მოსახლეობის ამგვარი გაბრაზება. გუშინ მოხდა ინციდენტი, ადგილობრივი მოსახლეობა უდაბნოს მონასტერში ჩავიდა, შეხლა-შემოხლა მოხდა, რა დროსაც ძალიან პოზიტიურად იმოქმედეს ჩვენმა მესაზღვრეებმა. ყველაფერი გააკეთეს იმისათვის, რომ დაძაბული სიტუაცია განემუხტათ“, - განაცხადა ქაცარავამ.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ეკა ლეკაშვილი - ხელისუფლებამაც და საზოგადოების ნაწილმა ისწავლა კოვიდ ინფექციასთან თანაცხოვრება
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
თბილისს უახლოეს ხანში ძველი თბილისის შთაგონებით შექმნილი გასტრონომიული დუქანი "რიგი" შეემატება
„ევრონიუს ჯორჯია“ ქართულენოვანი მაუწყებლობის დაწყებას აღნიშნავს
გაეროს მსოფლიო ტურიზმის ორგანიზაციის TEDQUAL სერტიფიკატის გადაცემის ცერემონიალი კავკასიის უნივერსიტეტში
Mastercard-სა და საქართველოს ტურიზმის ეროვნულ ადმინისტრაციას შორის ურთიერთთანამშრომლობის მემორანდუმი გაფორმდა
ხელოვნური ინტელექტი ევრაზიაში – ბიზნესისა და ტექნოლოგიების უნივერსიტეტის პანელი თბილისში ჩატარებულ საერთაშორისო ფორუმზე
BTU-ს „ინიციატივა 5.0” და უმნიშვნელოვანესი პროექტები, რომელიც საქართველოში ციფრული ეკონომიკის გაძლიერებას ისახავს მიზნად
Samsung The Sero - ტელევიზორი, რომელიც ბრუნავს იმისთვის, რომ შენს სმარტფონს მოერგოს