პარლამენტის საპროცედურო საკითხთა და წესების კომიტეტმა საინიციატივო ჯგუფის მიერ წარდგენილ საკონსტიტუციო ცვლილებებზე ხელმოწერების ნამდვილობის შემოწმება დაასრულა.

შედეგებზე კომიტეტი 16 ივლისის სხდომაზე იმსჯელებს და დასკვნას დადებს.

20-მა ოპოზიციურმა პარტიამ მაჟორიტარული საარჩევნო სისტემის გაუქმებისა და პროპორციულ სისტემაზე გადასვლის თაობაზე საკონსტიტუციო ცვლილებების პროექტი, მოქალაქეთა ხელმოწერებთან ერთად, პარლამენტში 13 ივნისს შეიტანა. მათი ინფორმაციით, 200 000-ის მაგივრად, 250 000-მდე ხელმოწერა შეგროვდა.

აღსანიშნავია, რომ პარლამენტში უმრავლესობის 93 დეპუტატის ხელმოწერით წარდგენილია კიდევ ერთი კონსტიტუციური პროექტი, რომელიც მომდევნო - 2020 წლის საპარლამენტო არჩევნების პროპორციული სისტემითა და ნულოვანი - ე.წ. ბუნებრივი ბარიერით ჩატარებას ითვალისწინებს.