სასამართლოებში კლანური მმართველობის შეფასების თაობაზე პარლამენტის რეზოლუციის პროექტის განხილვის მიზნით საინიციატივო ჯგუფისა და დამოუკიდებელ იურისტთა ჯგუფის შეხვედრა გაიმართება.

4 ივნისს, დამოუკიდებელი იურისტების ჯგუფმა პარლამენტს რეზოლუციის პროექტით მიმართა, რომელიც მიზნად ისახავს “სასამართლოში არსებული კლანური მმართველობის“ შეფასებას და საჭირო საკანონმდებლო ღონისძიებების დაგეგმვას.

რეზოლუციის პროექტს რვა პოლიტიკურმა ჯგუფმა და შვიდმა არასამთავრობო ორგანიზაციამ დაუჭირა მხარი.

აღნიშნულთან დაკავშირებით 16 ივლისს პარლამენტის დამოუკიდებელი დეპუტატების ჯგუფთან თანამშრომლობით გაიმართება შეხვედრა, სადაც მოწვეული არიან რეზოლუციის მხარდამჭერი პოლიტიკური პარტიები, სასამართლო ხელისუფლების წარმომადგენლები, არასამთავრობო ორგანიზაციები, ასევე დაინტერესებული დეპუტატები საპარლამენტო ფრაქციებიდან.