IRI-ის კვლევის შედეგები არის მნიშვნელოვანი მონაცემი და შესაძლოა, საინტერესო გზავნილი იყოს პოლიტიკოსებისთვის, - ამის შესახებ „შენების მოძრაობის“ ლიდერმა, დავით უსუფაშვილმა, „პალიტრანიუსის“ გადაცემა „360 გრადუსში“, საერთაშორისო რესპუბლიკური ინსტიტუტის (IRI) კვლევის შედეგების შეფასებისას განაცხადა.
„ამ მონაცემებთან დაკავშირებით, მე ყოველთვის ვამბობ, რომ ეს არის მნიშვნელოვანი მონაცემები იმისთვის, რომ ტენდენციები დავინახოთ და ტენდენციებში მე მაინც და მაინც არ მიკვირს ეს ყველაფერი. შესაძლოა, რომ ეს საკმაოდ საინტერესო გზავნილი იყოს პოლიტიკოსებისთვის. ყოველ წუთში თვალში რომ ეჩხირები მოქალაქეს, დადებითადაც განეწყობა და უარყოფითადაც“, - აღნიშნა უსუფაშვილმა.