ხორავას ქუჩაზე მკვლელობის საქმეზე მსჯავრდებულების ადვოკატებმა და პროკურატურამ სააპელაციო სასამართლოს გადაწყვეტილება  გაასაჩივრეს

ხორავას ქუჩაზე მომხდარი მკვლელობის საქმეზე მსჯავრდებული არასრულწლოვნების გ.ჯ.-სა და გ.ბ.-ს ადვოკატებმა და პროკურატურამ თბილისის სააპელაციო სასამართლოს გადაწყვეტილება გაასაჩივრეს.

როგორც „ინტერპრესნიუსს“ ლევან დადუნაშვილის მკვლელობაში მსჯავრდებული გ.ბ.-ს ადვოკატმა, რამაზ ჩინჩალაძემ განუცხადა, სააპელაციო სასამართლოს მოსამართლეთა პალატის მიერ გამოტანილი გადაწყვეტილების დასაბუთებაში მხოლოდ რამდენიმე სიტყვით წერია, თუ რატომ გაეზარდა მსჯავრდებულ არასრულწლოვნს 9 თვით სასჯელი.

„სააპელაციო სასამართლოს მიერ ლევან დადუნაშვილის ეპიზოდთან დაკავშირებული გადაწყვეტილება გავასაჩივრე. როგორც საქალაქო სასამართლოს გადაწყვეტილება, ასევე სააპელაციო სასამართლოს გადაწყვეტილება ამ ნაწილში დასაბუთებული არ არის, დადუნაშვილის მკვლელობის ეპიზოდში მტკიცებულებები არ არის. უფრო მეტიც, მიყენებული სასიკვდილო ჭრილობის პარამეტრები, ტანსაცმელზე არსებული პარამეტრები და დანის პარამეტრები ერთმანეთთან აბსოლუტურად შეუსაბამოა. გარდა ამისა, მოწმეთა ჩვენებებითაც არ დასტურდება აღნიშნულ ეპიზოდში გ.ბ.-ს მონაწილეობა სასიკვდილო ჭრილობის მიყენების კონტექსტში. მიუხედავად იმისა, რომ ორი ინსტანციის სასამართლომ ცალსახად აღნიშნა, რომ გ.ბ. არ მონაწილეობდა ფარდულის ეპიზოდში და მას დავით სარალიძისათვის არ მიუყენებია არანაირი დაზიანება, ბრალდების მხარე მაინც დაუსაბუთებელი და აბსურდული არგუმენტებით ცდილობს უზენაეს სასამართლოში მიაღწიოს იმას, რასაც ორი ინსტანციის სასამართლოში ვერ მიაღწია.

განაჩენში მხოლოდ ორი ფრაზა წერია, რომ რესოციალიზაციისათვის არ იყო საკმარისი ის სასჯელი, რომელიც საქალაქო სასამართლომ გამოიტანა. ეს, რა თქმა უნდა, დასაბუთება არ არის, სასამართლომ მართლაც ყოველგვარი მყარი დასაბუთების გარეშე გაზარდა 9 თვით სასჯელი. განაჩენში ვერ ამოიკითხავთ კონკრეტულ მყარ დასაბუთებას, თუ რატომ გაიზარდა სასჯელის ზომა“, - აცხადებს რამაზ ჩინჩალაძე.

ცნობისთვის, სააპელაციო სასამართლომ 3 ივნისს, ცვლილება შეიტანა თბილისის საქალაქო სასამართლოს 2018 წლის 1 ივნისის განაჩენში. კერძოდ კი, სასამართლომ არ გაიზიარა პირველი ინსტანციის განაჩენი იმ ნაწილში, რომ გ.ჯ.-მ ჩაიდინა დ.ს.-ის მხოლოდ მკვლელობის მცდელობა. სასამართლომ დაადგინა, რომ 2017 წლის 1 დეკემბერს, ქ.თბილისში, ხორავას ქუჩაზე, არასრულწლოვან დ.ს.-ის განზრახ მკვლელობა ჩადენილ იქნა ჯგუფურად გ.ჯ.-ს და ასევე სხვა დაუდგენელი პირის მიერ. შესაბამისად, სასამართლომ ნაწილობრივ გაიზიარა ბრალდების მხარის პოზიცია, რომ დ.ს.-ის მკვლელობა ჩადენილ იქნა ჯგუფურად გ.ჯ.-ს მიერ, თუმცა არა გ.ბ.-სთან ერთად. რაც შეეხება არასრულწლოვან გ.ბ.-ს, განაჩენი მის მიმართ კვალიფიკაციის ნაწილში დარჩა უცვლელი. სააპელაციო სასამართლომ გ.ჯ.-ს და გ.ბ.-ს დაუმძიმა სასჯელები და არასრულწლოვანთა მართლმსაჯულების კოდექსის თანახმად თითოეულს სასჯელის სახით განუსაზღვრა თავისუფლების აღკვეთა 11 წლითა და 3 თვის ვადით.

ხორავას საქმე - მსჯავრდებულების ადვოკატებმა და პროკურატურამ სააპელაციო სასამართლოს გადაწყვეტილება გაასაჩივრეს

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ეკა ლეკაშვილი - ხელისუფლებამაც და საზოგადოების ნაწილმა ისწავლა კოვიდ ინფექციასთან თანაცხოვრება
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
თბილისს უახლოეს ხანში ძველი თბილისის შთაგონებით შექმნილი გასტრონომიული დუქანი "რიგი" შეემატება
„ევრონიუს ჯორჯია“ ქართულენოვანი მაუწყებლობის დაწყებას აღნიშნავს
გაეროს მსოფლიო ტურიზმის ორგანიზაციის TEDQUAL სერტიფიკატის გადაცემის ცერემონიალი კავკასიის უნივერსიტეტში
Mastercard-სა და საქართველოს ტურიზმის ეროვნულ ადმინისტრაციას შორის ურთიერთთანამშრომლობის მემორანდუმი გაფორმდა
ხელოვნური ინტელექტი ევრაზიაში – ბიზნესისა და ტექნოლოგიების უნივერსიტეტის პანელი თბილისში ჩატარებულ საერთაშორისო ფორუმზე
BTU-ს „ინიციატივა 5.0” და უმნიშვნელოვანესი პროექტები, რომელიც საქართველოში ციფრული ეკონომიკის გაძლიერებას ისახავს მიზნად
Samsung The Sero - ტელევიზორი, რომელიც ბრუნავს იმისთვის, რომ შენს სმარტფონს მოერგოს