გაერო შეშფოთებულია იმის გამო, რომ აშშ-ში ირანის საგრეო საქმეთა მინისტრ მუჰამედ ჯავად ზარიფს გადაადგილებაზე შეზღუდვები დაუწესეს.

ზარიფი ნიუ-იორკში 14 ივლისს ჩაფრინდა, მან მონაწილეობა უნდა მიიღოს 17 ივლისს გაეროს ეკონომიკურ და სოციალურ საბჭოში დაგეგმილ შეხვედრაში. აშშ-ის სახელმწიფო მდივანმა მაიკ პომპეომ ზარიფს ვიზა მისცა, თუმცა, მისი გადაადგილება ნიუ-იორკში მკაცრად არის შეზღუდული. კერძოდ, ირანის საგარეო საქმეთა მინისტრსა და მის დელეგაციას ნიუ-იორკში მხოლოდ გაეროს სათავო ოფისსა და ირანის წარმომადგენლის რეზიდენციას შორის შეუძლია გადაადგილება.

„ამერიკელი დიპლომატები თეირანში არ დასეირნობენ, ამიტომაც ჩვენ ვერ ვხედავთ მიზეზს იმისა, რომ ირანელი დიპლომატები ნიუ-იორკში თავისუფლად გადაადგილდებოდნენ“, - განაცხადა მაიკ პომპეომ.

შეგახსენებთ, ტრამპის ადმინისტრაციაში აცხადებენ, რომ ვაშინგტონი ზარიფის შავ სიაში შეყვანას და მისთვის სანქციების დაწესებას აპირებს, თუმცა, როგორც თავად ზარიფმა განაცხადა, მას ირანის გარეთ არანაირი ანგარიშები არ გააჩია.