2021 წელს საქართველოში ევრობასკეტის ჯგუფური ეტაპის მატჩები ჩატარდება. ამის შესახებ თბილისის მერმა კახა კალაძემ მუნიციპალიტეტის მთავრობის სხდომაზე განაცხადა. როგორც კალაძემ აღნიშნა, ტურნირის მასპინძლობის სურვილის შვიდმა ქვეყანამ გამოთქვა, საიდანაც საქართველო შეირჩა.
"მინდა მთავრობის სხდომა სასიხარულო ინფორმაციით დავასრულო - 2021 წელს საქართველოში ევრობასკეტის ჯგუფური ეტაპის მატჩები ჩატარდება. გუშინ მიუნხენში, ევროპული კალათბურთის მმართველ ორგანოში 2021 წლის ევრობასკეტის ოთხი მასპინძელი ქვეყანა დასახელდა, მათ შორის საქართველოც. ტურნირის მასპინძლობის სურვილის შვიდმა ქვეყანამ გამოთქვა – საქართველომ, ჩეხეთმა, ესტონეთმა, გერმანიამ, უნგრეთმა, იტალიამ და სლოვენიამ და მათ შორის შეირჩა საქართველო, ჩეხეთი, გერმანია და იტალია. მინდა მივულოცო კალათბურთის გულშემატკივრებს და მთლიანად ქვეყანას",- განაცხადა კალაძემ.