ეკა ბესელია - ის, რომ მხოლოდ ერთი სამართალდამცველია დაკავებული 21 ივნისის შემდეგ, ყველაზე დიდი დანაშაულია

ის, რომ ამ დრომდე მხოლოდ ერთი სამართალდამცველია დაკავებული 21 ივნისის შემდეგ, ერთ-ერთი ყველაზე დიდი დანაშაულია, - ეს განცხადება დეპუტატმა ეკა ბესელიამ ჟურნალისტებთან საუბარში გააკეთა.

მისი თქმით, მხოლოდ ერთი პოლიციელის დაკავება შერჩევითი სამართლის განცდას ქმნის.

"ეს არ არის საკმარისი. ის, რომ დაკავებულია აქციის რამდენიმე მონაწილე და მხოლოდ ერთი პირი იმ პოლიციელთაგან თუ სპეცრაზმელთაგან, რომელთაგან არაერთი, არამედ რამდენიმე ვიხილეთ ძალადობრივი ეპიზოდის განმახორციელებლის როლში, ვიხილეთ პირდაპირ, როგორ ხდებოდა უფლებამოსილების გადამეტება და დანაშაულის ჩადენა და ერთზე მეტი ადამიანი რომ არ არის ამ დრომდე გამოკვეთილი და იდენტიფიცირებული, ეს პრობლემაა. ეს არ არის სამართლიანი, ეს შერჩევითი სამართლის სურათს ქმნის და ვფიქრობ, ერთ-ერთი ყველაზე დიდი შეცდომაა, რაც მოხდა 21 ივნისის შემდეგ", - განაცხადა ბესელიამ.

იხილეთ ვიდეო:

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა