ბათუმის საკრებულოს სხდომაზე „ნაციონალური მოძრაობის" თავმჯდომარე მირდატ ქამადაძემ თვალზე ხელი აიფარა და 20 ივნისს დაშავებულებს სოლიდარობა გამოუცხადა
ბათუმის საკრებულოში მიმდინარე სხდომაზე ფრაქცია "ერთიანი ნაციონალური მოძრაობის" თავმჯდომარე მირდატ ქამადაძემ პროტესტის ნიშნად თვალზე ხელი აიფარა და იმ ახალგაზრდებს სოლიდარობა გამოუცხადა, რომლებმაც თბილისში განვითარებული მოვლენების დროს თვალი დაკარგეს.
მირდატ ქამადაძემ საქართველოს შინაგან საქმეთა მინისტრი გიორგი გახარია მომხდარის გამო დაადანაშაულა და მისი თანამდებობიდან გადადგომა მოითხოვა.
"ეს იქცა ერთგვარ პერფორმანსად, რომელიც საზოგადოებას ცალსახად აცნობს, რომ საქართველოს მთავრობა თვალს თხრის თავისუფლებისთვის მებრძოლ ახალგაზრდებს", - განაცხადა მირდატ ქამადაძემ.
ბათუმის საკრებულოში სხდომა თბილისში განვითარებული მოვლენების გამო კამათით დაიწყო.
