ანა დოლიძე - მოსამართლე ილონა თოდუა ხელისუფლების დაკვეთების შემსრულებელი, ზურაბ ადეიშვილის ნარჩენია

ილონა თოდუა არის ხელისუფლების დაკვეთების შემსრულებელი მოსამართლე, ე.წ. ზურაბ ადეიშვილის ნარჩენი, - ამის შესახებ იუსტიციის უმაღლესი საბჭოს არამოსამართლე წევრმა ანა დოლიძემ ჟურნალისტებს საბჭოს სხდომის დაწყებამდე განუცხადა.

დოლიძის თქმით, მოსამართლე თოდუა წინა ხელისუფლების დაკვეთებს ასრულებდა. მისი თქმით, 2012 წელს მოსამართლე თოდუას დაჯარიმებული ჰყავს პარტია "ქართული ოცნება". მისივე განმარტებით, ილონა თოდუას, ასევე პოლიტიკურად მგრძნობიარე პერიოდში დაჯარიმებული ჰყავს ტელეკომპანია "იმედი" და გამოტანილი აქვს არა ერთი მიკერძოებული და პოლიტიკური გადაწყვეტილება.

ამასთან, ანა დოლიძე გამოეხმაურა გავრცელებულ ინფორმაციას, რომლის თანახმადაც მოსამართლე ილონა თოდუამ მის სახელზე გაფორმებული საცხოვრებელი ბინა 2014 წელს დედას გადაუფორმა, ამის შემდეგ კი, საკუთარი ბინის ქირა იუსტიციის საბჭოს მოსთხოვა.

"დღეს ჩვენ ვხედავთ, რომ ის ადამიანები, რომლებიც ადრე დაკვეთებს ასრულებდნენ, კომფორტულად ჩაბმულები არიან საქმიანობაში, რომელიც კორუფციასთან დაკავშირებით კითხვის ნიშანს სვამს. შემთხვევითი ჩუქებები, საკუთარი ოჯახის წევრების მიმართ უცებ გახსნილი ხელგაშლილობა არის ფართო ტენდენცია ჩვენს საჯარო სივრცეში. ჩვენ არაერთი წევრი ვიცით საქართველოს პარლამენტში: დავით მათიკაშვილი,ზაზა გაბუნია, ნინო წილოსანი, რომლის ოჯახის წევრებს უცებ უჩნდებათ ჩუქების სურვილი მათ მიმართ. სასამართლოშიც ოჯახის წევრების მიმართ უცებ გახსნილი სიყვარული და ხელგაშლილობა მიუთითებს შესაძლო კითხვის ნიშნებზე. ძალიან კარგია, რომ მოსამართლე თოდუა აქ მობრძანდება და ჩვენს კითხვებს პასუხს გასცემს იმის თაობაზე, თუ საიდან მოვიდა მისი უეცარი ხელგაშლილობა მისივე ოჯახის წევრების მიმართ", - განაცხადა დოლიძემ.

იუსტიციის უმაღლესი საბჭოს დღევანდელ სხდომას მოსამართლე ილონა თოდუაც ესწრება. სხდომაზე ერთ-ერთ საკითხად განიხილება არამოსამართლე წევრის, ნაზი ჯანეზაშვილის მიერ გავრცელებული ინფორმაცია, რომელიც ეხება იუსტიციის საბჭოს მიერ სწორედ მისი საცხოვრებელი ფართის დაქირავებას.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ეკა ლეკაშვილი - ხელისუფლებამაც და საზოგადოების ნაწილმა ისწავლა კოვიდ ინფექციასთან თანაცხოვრება
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
თბილისს უახლოეს ხანში ძველი თბილისის შთაგონებით შექმნილი გასტრონომიული დუქანი "რიგი" შეემატება
„ევრონიუს ჯორჯია“ ქართულენოვანი მაუწყებლობის დაწყებას აღნიშნავს
გაეროს მსოფლიო ტურიზმის ორგანიზაციის TEDQUAL სერტიფიკატის გადაცემის ცერემონიალი კავკასიის უნივერსიტეტში
Mastercard-სა და საქართველოს ტურიზმის ეროვნულ ადმინისტრაციას შორის ურთიერთთანამშრომლობის მემორანდუმი გაფორმდა
ხელოვნური ინტელექტი ევრაზიაში – ბიზნესისა და ტექნოლოგიების უნივერსიტეტის პანელი თბილისში ჩატარებულ საერთაშორისო ფორუმზე
BTU-ს „ინიციატივა 5.0” და უმნიშვნელოვანესი პროექტები, რომელიც საქართველოში ციფრული ეკონომიკის გაძლიერებას ისახავს მიზნად
Samsung The Sero - ტელევიზორი, რომელიც ბრუნავს იმისთვის, რომ შენს სმარტფონს მოერგოს