ევროკავშირის მაღალჩინოსნები თურქეთის წინააღმდეგ პოლიტიკური და ფინანსური სანქციების დაწესებაზე შეთანხმდნენ. ამის მიზეზი თურქეთის მიერ კვიპროსის სანაპიროებთან გაზისა და ნავთობის მოპოვების მიზნით მიმდინარე ბურღვითი სამუშაოებია.

ევროპელი დიპლომატები ოფიციალურ ანკარას მოუწოდებდნენ, შეეწყვიტა მათი წევრი ქვეყნის სანაპიროებთან ბურღვითი სამუშაოები, თუმცა, თურქეთმა განაცხადა, რომ ამაში არალეგალური არაფერია და საქმიანობა გააგრძელა. სანქციების ფარგლებში თურქეთს შეუწყდება 145,8 მილიონი ევროს ოდენობის დახმარება ევროპული ფონდიდან, რომელიც 2020 წლისთვის იყო განსაზღვრული. ამასთან, ევროპის საინვესტიციო ბანკს დაევალა გადახედოს პირობებს ანკარას ფინანსური მხარდაჭერის შესახებ.