პრეზიდენტის პრესსპიკერი - მიუნხენში სტუდენტებთან შეხვედრაზე პასუხი გაეცა ყველა კითხვას და არანაირი ირონიული ტონი, არანაირი გაღიზიანება არ ყოფილა

საქართველოს პრეზიდენტის ადმინისტრაცია უარყოფს, რომ მიუხენში სალომე ზურაბიშვილსა და ქართველ სტუდენტებს შორის შეხვედრისას ადგილი ჰქონდა რაიმე ექსცესსა და დაძაბულობას.

პრეზიდენტის პრესსპიკერის თქმით, პრეზიდენტმა სტუდენტების კითხვებს ამომწურავი პასუხები გასცა და ის არ ყოფილა გაღიზიანებული. ის ასევე უარყოფს სტუდენტების მიერ გავრცელებულ ინფორმაციას, რომ პრეზიდენტის ადმინისტრაციამ ისინი უწიგნურებად მოიხსენია.

„ზოგიერთი მედიასაშუალების მიერ გავრცელებული ინფორმაცია, ქართველი სტუდენტების და საქართველოს პრეზიდენტის შეხვედრასთან დაკავშირებით, იყო აბსოლუტური ტყუილი. შეხვედრაზე არ თქმულა არც ერთი სიტყვა, რაც გავრცელდა მედიასაშუალებებით. პრეზიდენტი არ ყოფილა გაღიზიანებული. პასუხი გაეცა ყველა კითხვას, მათ შორის დავით გარეჯთან დაკავშირებით და მეტიც, შეხვედრა გაგრძელდა წინასწარ შეთანხმებულ დროზე მეტხანს. არანაირი ირონიული ტონი, არანაირი გაღიზიანება და არც ერთი ის სიტყვა, რაზეც საუბრობენ სიუჟეტის რესპონდენტები,"- განაცხადა ხატია მოისწრაფიშვილმა.

„რუსთავი2“-ის ინფორმაციით, სტუდენტებმა შეხვედრის შემდეგ განაცხადეს, რომ ზურაბიშვილი 20 ივნისისა და დავით გარეჯის შესახებ მათ მიერ დასმულმა კითხვებმა გააღიზიანა.

ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
ქართული პრესის მიმოხილვა 21.09.2020
რევაზ კოპალაძე - ქვეყნებში, სადაც გულშემატკივრობენ საქართველოს, მტკივნეულად აღიქვამენ სახელმწიფოს ჩარევას „კავკასუს ონლაინის“ სამეწარმეო თავისუფლებაში
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)