ანგელა მერკელი ჰიმნს ისევ სავარძელში დამჯდარი უსმენდა

გერმანიის კანცლერი ანგელა მერკელი და მოლდოვის პრემიერი მაია სანდუ მოლაპარაკებების წინ სახელმწიფო ჰიმნებს სავარძლებში მსხდომნი უსმენდნენ. ოფიციალური ღონისძიების პროტოკოლის შეცვლა უკვე მეორედ მოხდა. წინა კვირას მერკელი და დანიის პრემიერი მეტე ფრედერიკსენი ასევე სავარძლებიდან უსმენდნენ ჰიმნებს. მანამდე კი სამი კვირის განმავლობაში სამჯერ: უკრაინის პრეზიდენტ ვლადიმერ ზელენსკის ოფიციალური ვიზიტის, გერმანიის პრეზიდენტ ფრანკ-ვალტერ შტაინმაიერთან მიღების, ასევე წინა კვირის დასაწყისში ფინეთის პრემიერ-მინისტრის ანტი რინეს გერმანიაში სტუმრობის დროს ანგელა მერკელი შუძლოდ გახდა. ამის შემდეგ კანცლერმა განცხადება გააკეთა, რომლის თანახმადაც, ის როგორც თანამდებობის პირი და როგორც რიგითი მოქალაქე თავის ჯანმრთელობაზე სერიოზულად ზრუნავს. ამ ინფორმაციას რია ნოვოსტი ავრცელებს გერმანულ „n-tv“-ზე დაყრდნობით.

ორიოდე დღის წინ ნეიროლოგისა და კლინიკური ნეიროფიზიოლოგიის გერმანული კლინიკის ხელმძღვანელმა უვე იანკემ გერმანიის კანცლერის სავარაუდო დიაგნოზი დაასახელა. გერმანელი ექიმის აზრით, მერკელს შეიძლება ჰქონდეს ორთოსტატიკური ტრემორი. ამ დაავადების მქონე ადამიანი მხოლოდ ფეხზე დგომის შემთხვევაში კანკალებს.

ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
ქართული პრესის მიმოხილვა 18.02.2020
ხათუნა ბურკაძე - საქართველოს ნატო-ში ინტეგრაციის პროცესი დასაჩქარებელი და ბუქარესტის სამიტის თითქმის 12-წლიანი დაპირებები შესასრულებელია
ირაკლი გურჩიანი - ყოველი დღე განვითარების ახალი შესაძლებლობაა და ამის დასტური „ტოიოტას“ უახლესი მოდელებია
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ