მოსამართლე ირაკლი ბონდარენკო - ანა დოლიძემ და ნაზი ჯანეზაშვილმა ილონა თოდუას დაკითხვა მოუწყვეს,  ისინი გასცდნენ საკუთარ უფლებამოსილებას

ძალიან არ მინდა მქონდეს ისეთ ადამიანებთან საქმე, რომლებიც შესაძლებელია იყვნენ სისხლის სამართლის დანაშაულის ჩამდენი პირები. მე ამაზე ვნერვიულობ, - ამის შესახებ იუსტიციის საბჭოს მოსამართლე წევრმა ირაკლი ბონდარენკომ არამოსამართლე წევრების - ნაზი ჯანეზაშვილის და ანა დოლიძის მისამართით განაცხადა.

ბონდარენკოს განმარტებით, ამის თქმის საფუძველს აძლევს ის, რომ ანა დოლიძემ და ნაზი ჯანეზაშვილმა სააპელაციო სასამართლოს მოსამართლე ილონა თოდუას იუსტიციის საბჭოს დღევანდელ სხდომაზე "დაკითხვა მოუწყვეს, გასცდნენ საკუთარ უფლებამოსილებას და ადგილი ჰქონდა ზეწოლოს მცდელობას" .

"ისინი გასცდნენ თავიანთ სამსახურებრივ უფლებამოსილებებს და შეიჭრნენ იმ სივრცეში, სადაც მათ სამსახურებრივად ამის უფლებამოსილება არ გააჩნიათ. ქალბატონმა ჯანეზაშვილმა და დოლიძემ დღეს დაარღვიეს კანონი. მე, ვფიქრობ, რომ სავარაუდოდ, შესაძლებელია მათი ქმედება შეიცავდეს სისხლის სამართლებრივი დანაშაულის ნიშნებს", - განაცხადა ბონდარენკომ ჯანეზაშვილისა და ანა დოლიძის მისამართით საბჭოს სხდომაზე.

ირაკლი ბონდარენკოს ჟურნალისტებთან საუბრისას გამოეხმაურა არამოსამართლე წევრი ანა დოლიძე.

"თუ საუბარია ნეპოტიზმზე, ინტერესთა კონფლიქტზე, მაზლებზე, სიძეებზე, შესაძლო კორუფციაზე, პოლიტიკურ დაკვეთებზე, ჩვენ არ გვეძლევა საქმიანი დისკუსიის საშუალება. "კლანი" გადმოდის სისხლის სამართლებრივი დევნის მუქარაზე. ამ პირობებში როგორ იქნება შესაძლებელი, რომ საქმიანად წარიმართოს მოსამართლეთა შერჩევა, ეჭვი მეპარება. თუ ასე გავაგრძელებთ კრიტიკული კითხვების დასმას, ჩვენ არ მოგვეცემა მუშაობის საშუალება და ეს, პირველ რიგში, დაარტყამს მოსამართლეთა შერჩევის პროცესს", - განაცხადა ანა დოლიძემ.

გიორგი კანაშვილი - თუ ოპოზიციამ ვერ მოახერხა დამატებითი ამომრჩევლის გამოყვანა, ხოლო „ოცნებამ“ სულ მცირე იგივე რაოდენობა გამოიყვანა, რაც პირველ ტურში, შედეგი ოპოზიციისთვის  მძიმე იქნება
ქართული პრესის მიმოხილვა 28.10.2021
ჰუმანური შრომითი პოლიტიკა - რას ნიშნავს შრომით ბაზარზე გამოჩენილი ახალი ტენდენცია
ხათუნა ბურკაძე - დიდი სტრატეგიის შემუშავებით შევძლებთ ქვეყნის ინტერესების უზრუნველყოფას
გაიაქტიურეთ "სილქფესტის" საშემოდგომო შეთავაზებები შეუზღუდავად
მიიღე განსაკუთრებული შეთავაზებები მხოლოდ ოფიციალური Samsung-ის შეძენისას
BDO: ყველაზე ცნობადი ბრენდი საქართველოს ბიზნეს საკონსულტაციო კომპანიების ბაზარზე
„მიჰაუსში“ ჰელოუინთან დაკავშირებით დიდი ფასდაკლება დაიწყო
ამბასადორი ბათუმი აილენდი მულტიფუნქციური ხელოვნური კუნძულის მშენებლობისთვის ტექნიკურ კვლევებს აწარმოებს
თბილისი აუთლეტ ვილიჯი ცენტრალური და აღმოსავლეთ ევროპის საუკეთესო პროექტად დასახელდა