ნინო თანდილაშვილი  -  სამინისტროს პრიორიტეტი  ქვეყანაში მწვანე  წარმოების ხელშეწყობაა

სამინისტროს პრიორიტეტი ქვეყანაში მწვანე წარმოების ხელშეწყობაა,- ამის შესახებ გარემოს დაცვისა და სოფლის მეურნეობის მინისტრის მოადგილემ, ნინო თანდილაშვილმა სამუშაო შეხვედრაზე განაცხადა.

საქართველოს გარემოს დაცვისა და სოფლის მეურნეობის, ეკონომიკისა და მდგრადი განვითარების და ფინანსთა სამინისტროების, ასევე, საბანკო და საფინანსო სექტორის, საერთაშორისო (UNDP, UNIDO, USAID, ევროკავშირის წარმომადგენლობა საქართველოში) და არასამთავრობო ორგანიზაციებისა და სამეცნიერო წრეების წარმომადგენლებმა საქართველოში მცირე და საშუალო ბიზნესისთვის მწვანე ფინანსებზე ხელმისაწვდომობის გაუმჯობესების შესაძლებლობები განიხილეს.

სამუშაო შეხვედრაზე გარემოს დაცვისა და სოფლის მეურნეობის მინისტრის მოადგილემ, ნინო თანდილაშვილმა ხაზგასმით აღნიშნა, რომ მწვანე ეკონომიკა საქართველოს სამთავრობო პროგრამის უმნიშვნელოვანესი ნაწილია.

„სამინისტროს ერთ-ერთი მთავარი პრიორიტეტია ხელი შეუწყოთ ქვეყანაში ისეთი წარმოების განვითარებას, რომელიც მინიმალურ ზიანს მიაყენებს გარემოს. ბოლო წლების განმავლობაში, შევძელით ღრმა და ყოვლისმომცველი თავისუფალი სავაჭრო სივრცის შესახებ შეთანხმებით (DCFTA) გათვალისწინებული ვალდებულებების შესაბამისი სტანდარტების დანერგვა. სოფლის მეურნეობის დარგს აქვს ყველანაირი რესურსი, რათა მოხდეს მწვანე წარმოების წახალისება და ბიზნესსექტორი ბიოწარმოებაზე გადავიდეს“, - განაცხადა გარემოს დაცვისა და სოფლის მეურნეობის მინისტრის მოადგილემ.

როგორც ნინო თანდილაშვილმა შეხვედრაზე აღნიშნა, მნიშვნელოვანია, ხელისუფლებამ, კერძო ინვესტორებმა, დონორმა ორგანიზაციებმა, მწარმოებლებმა და მომხმარებლებმა, ერთობლივი ძალისხმევით შეიმუშაონ პოლიტიკა ეფექტიანი მწვანე დაფინანსების მობილიზების მიზნით. შედეგად, მცირე და საშუალო საწარმოების მხრიდან გარემოზე მიყენებული ზიანი შემცირდება, რაც დადებითად აისახება ქვეყნის ეკონომიკასა და ეკოლოგიაზე.

შეხვედრის მონაწილეებმა ის ძირითადი გამოწვევები, ინიციატივები და ფინანსური მექანიზმები განიხილეს, რომელთა საშუალებითაც შესაძლებელი იქნება ენერგოეფექტურობაზე ორიენტირებული ინვესტიციების ზრდის ხელშეწყობა მცირე და საშუალო საწარმოებში.

ამასთან, შეხვედრაზე, საუბარი შეეხო ეკონომიკური თანამშრომლობისა და განვითარების ორგანიზაციის (OECD) მიერ მომზადებულ ანგარიშს, რომელიც ევროკაშირის მიერ დაფინანსებული პროექტის „EU4Environment” ფარგლებში მომზადდა.

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 14.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
კომპანია „ფრეგოს“ მთავარი ინვესტორი განცხადებას ავრცელებს
„კავკასუს როუდ პროჯექტმა“ ბიზნეს პროცესების ავტომატიზაცია BDO-სთან პარტნიორობით განახორციელა
"Sarajishvili 2020" - უნიკალური გემოსა და დიზაინის მქონე სასმელი ამაღლებული საახალწლო განწყობისთვის
საფეხბურთო კლუბი „სამტრედია“ უმაღლეს ლიგაში გადავიდა
მედიკამენტებით უზრუნველყოფის გაუმჯობესების პროგრამის ფარგლებში PSP თურქეთის წამყვანი ფარმაცევტული კომპანიის „აბდი იბრაჰიმის“ ხელმძღვანელობას შეხვდა
ახალი წლიდან სილქნეტის ოპტიკურ ქსელში სატელევიზიო პაკეტები იცვლება
„ავერსში“ ლარის კურსის გამყარებასთან დაკავშირებით მედიკამენტებზე ფასების გაიაფება დაიწყო
2021 წლიდან, ყულევში თანამედროვე ტექნოლოგიების შესაბამისი ნავთობგადამამუშავებელი ქარხნის მშენებლობა იგეგმება