პარლამენტის წინ შს მინისტრის გიორგი გახარიას გადადგომის მოთხოვნით აქცია განახლდა. აქციის ორგანიზატორების თქმით, დღევანდელი აქცია იქნება განსხვავებული, სატელევიზიო ფორმატის, გადაცემის მსგავსი, რომელსაც მიშა მშვილდაძე და შოთა დიღმელაშვილი გაუძღვებიან.

აქციის ერთ-ერთმა ორგანიზატორმა, გიგა მაქარაშვილმა, ,,ინტერპრესნიუსთან” საუბრისას აქციის შემდეგი დღეების ფორმატიც დაანონსა.

მისი თქმით, ხვალინდელი აქცია იქნება წიგნის დღე, ზეგ - თავისუფალი მედიის დღე, მომდევნო დღე კი - ელექტრონულ მუსიკას დაეთმობა.

მისივე თქმით, მათ დღეს ახალი სპიკერებიც დაემატებათ და ამასთან, შესაძლოა, დღევანდელ სატელევიზიო ტიპის აქციას ,,ფეისბუქ ლაივის” ფორმატიც დაემატოს.