„პატრიოტთა ალიანსის“ წარმომადგენლები ხელოვნების მუზეუმის მდგომარეობას დაათვალიერებენ

განათლების, მეცნიერების, კულტურისა და სპორტის სამინისტროს, ასევე მედიის წარმომადგენლები, და 16 ივლისს, ამავე სამინისტროსთან გამართული აქციის ორგანიზატორები ბეჟან გუნავა, ჟურნალისტი ნინო მიქიაშვილი საქართველოს პატრიოტთა ალიანსის ახალგაზრდული ორგანიზაციის “ახალგაზრდა პატრიოტების” წარმომადგენლები, განათლების მინისტრის, მიხეილ ბატიაშვილის ინიციტივით, შენობაში ჩასატარებელ სარემონტო სამუშაოებთან დაკავშირებით, ხელოვნების მუზეუმის მდგომარეობას დაათვალიერებენ.

„პატრიოტთა ალიანსის“ ინფორმაციით, ამის შემდეგ შეიქმნება სამუშაო ჯგუფი, რომელიც განიხილავს, მუზეუმში დაცული ექსპონატების სხვა სივრცეებში გადატანის მიზანშეუწონლობისა და ხელოვნების მუზეუმისთვის საჯარო სამართლის იურიდიული პირის სტატუსის დაბრუნების საკითხებს, რომლებიც იყო ზემოთ ხსენებული აქციის ორგანიზატორთა მთავარი მოთხოვნა.

შეგახსენებთ, რომ საქართველოს პატრიოტთა ალიანსის ახალგაზრდული ორგანიზაციის “ახალგაზრდა პატრიოტების” ბეჟან გუნავასა და ჟურნალისტ ნინო მიქიაშვილის მიერ 16 ივლისს ,14:00 საათზე, გაიმართა აქცია განთლების, მეცნიერების, კულტურისა და სპორტის სამინისტროსთან, რომლის მთავარ მოთხოვნებსაც წარმოადგენდა ხელოვნების მუზეუმისთვის დამოუკიდებლობის აღდგენა, ამავე მუზეუმში დაცული ექსპონატების სხვა სივრცეებში ევაკუირების დაუშვებლობა და შენობაში ჩასატარებელ სარემონტო სამუშაოების საკითხზე , სამუშაო ჯგუფის შექმნა.

ინფორმაციას „პატრიოტთა ალიანსი“ ავრცელებს.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 23.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ზაზა ფაჩულიამ „არქი“ იყიდა