მედიის წარმომადგენლებისთვის შალვა ამირანაშვილის სახელობის ხელოვნების მუზეუმის სამუშაოების გაცნობა კვლავ ხმაურით მიმდინარეობს. პროცესს განათლების მინისტრის მოადგილე, ლევან ხარატიშვილი ესწრება. ასევე, „საქართველოს პატრიოტთა ალიანსის“ წევრი ბეჟან გუნავა და საგანძურის დაცვის საინიციატივო ჯგუფის წევრი ნინო მიქიაშვილი.
გუნავასა და მიქიაშვილის განცხადებით, მუზეუმის ახალი სივრცე მუზეუმის გვერდით მდებარე სასტუმროს ავტოფარეხის ქვეშ არსებული სარდაფია. ამ ინფორმაციას უარყოფს ეროვნული მუზეუმის კონსერვაციისა და რესტავრაციის სამსახურის ხელმძღვანელი ნინო კალანდაძე. მისი თქმით, ეს არის ხელოვნების მუზეუმის მესამე კორპუსი, რომელსაც სასტუმრო მართლაც ემიჯნება, თუმცა მთელი 5-სართულიანი შენობა ეკუთვნის ხელოვნების მუზეუმს.