გიგი უგულავა ბიძინა ივანიშვილზე - წყალწაღებული ხავსს ეჭიდება

ბიძინა ივანიშვილის ინტერვიუ ყველა პარამეტრით ამაზრზენი და არაადეკვატური იყო - წყალწაღებული ხავსს ეჭიდება, - ასე ეხმაურება პარტია “ევროპული საქართველოს“ ერთ-ერთი ლიდერი გიგი უგულავა მიმდინარე მოვლენებთან დაკავშირებით “ქართული ოცნების“ თავმჯდომარის მიერ ჟურნალისტებთან გაკეთებულ შეფასებებს.

“ივანიშვილი გახარიას ამბრაზურასავით ეფარება და გვეუბნება, რომ მისი გადადგომა სამშობლოს ღალატია. ბუნებრივია, ჩნდება კითხვა, თუ რომელ სამშობლოს გულისხმობს. ამ სამშობლოში საქართველო აშკარად არ იგულისხმება. გახარიას გადადგომა რუსეთის ღალატი შეიძლება იყოს. ჩვენ ვნახეთ მთავრობის წევრებისა და უმრავლესობის კაკაფონია, რომ გიორგი გახარია მაგარი ტიპია. ახლა მას თვითონ ივანიშვილი ეფარება. ამ კონტექსტში მნიშვნელოვანია მეორე ცინიკური განცხადებაც: - როგორ წარმოგიდგენიათ, რომ მე ღამე ბრძანებას მივცემდიო. აშკარად „ეკაიფება“ ხალხს, რადგან გულისხმობს, რომ ეძინა. აქ ორი რამეა - თუკი მას ასეთ დროს ეძინა, ეს ქვეყნისთვის კატასტროფაა და თუ არ ეძინა და ამ ყველაფერს ტელევიზიით უყურებდა, მაშინ მინიმუმ ის უნდა გაეკეთებინა, რომ ის სისხლისღვრა გაეჩერებინა, რაც მისმა ხელქვეითებმა რუსთაველის გამზირზე გააჩაღეს. ყველა შემთხვევაში ძალიან სავალალო სურათი იკვეთება“, - განაცხადა გიგი უგულავამ.

უგულავას აზრით, მაღალი ალბათობით, ბრძანება 20 ივნისის აქციის დარბევასა და აქციის მონაწილეთა დასახიჩრებაზე ბიძინა ივანიშვილის მიერ არის მიღებული და გიორგი გახარიასა და ანზორ ჩუბინიძის მიერ აღსრულებული.

ლადო პაპავა - მოსახლეობა პოზიტიური დღის წესრიგის მოლოდინშია
ქართული პრესის მიმოხილვა 30.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
"სილქნეტი" StopCoV ფონდში კიდევ ერთ მილიონ ლარს გადარიცხავს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ