მამუკა მდინარაძე - ე. წ. „ევროპული საქართველოს“ წარმომადგენელს ისე განუცხადებია, რომ ჩვენთან კოალიციას არ შექმნის, თითქოს ვინმე კალთებს ახევდეს

ერთადერთი დოგმა, რაც შეიძლება საკუთარ თავს დავუწესოთ, არის ის, რომ „ნაციონალურ მოძრაობასთან“ არ ვითანამშრომლებთ, - ეს განცხადება ჟურნალისტებთან საუბარში „ქართული ოცნების“ ფრაქციის თავმჯდომარე მამუკა მდინარაძემ გააკეთა.

მისი თქმით, „ნაციონალური მოძრაობა“ ანტიეროვნული ძალაა და „ქართული ოცნება“ ცალსახად არ აპირებს მასთან არანაირ ფორმატში თანამშრომლობას.

„მე მგონი, ბუნებრივია პოზიცია, როგორც მმართველი პარტიის ლიდერის, ასევე თითოეული ჩვენგანის იმასთან დაკავშირებით, რომ პარტიასთან, რომელიც ყველა თავისი მოქმედებით, ყველა თავისი განცხადებით, შედეგთან მიმართებაში არის ანტიეროვნული და ამ ქვეყნისთვის ცუდ რაღაცებს აკეთებს, ყველაზე რბილად რომ ვთქვათ, არ შეიძლება თანამშრომლობა და მითუმეტეს, კოალიციაზე საუბარი. მგონი, ამაში გასაკვირი არაფერი არ არის“, - განაცხადა მამუკა მდინარაძემ,

დეპუტატი ასევე გამოეხმაურა „ევროპული საქართველოს“ წევრის, ირაკლი აბესაძის განცხადებას, რომ „ევროპული საქართველო“ არ აპირებს „ქართულ ოცნებასთან“ თანამშრომლობას. მდინარაძის თქმით, მათ არც არავინ „ახევს კალთებს“.

„ე. წ. „ევროპული საქართველოს“, ანუ პრაქტიკულად „ნაციონალური მოძრაობის“ ერთ-ერთი შტოს წარმომადგენელს ისე განუცხადებია, რომ კოალიციას ჩვენთან არ შექმნის, თითქოს ვინმე ეპატიჟებოდეს და ვიღაც ერთი წლით ადრე კალთებს ახევდეს, გინდა თუ არა ჩემთან უნდა შექმნა კოალიციაო. ჩვენ მკაფიოდ განვაცხადეთ, რომ იმ ძალებთან, იმ პარტიასთან, თუნდაც მის შტოებთან, რომელიც ყველა თავისი განცხადებით, ყველა თავისი მოქმედებით ქართული სახელმწიფოს ინტერესს აზიანებს, არავინ აპირებს თანამშრომლობას. ვინც ამ ორბიტიდან არის გასული და შეიძლება სახელმწიფოებრივად აზროვნებდეს, ვისაც შესაძლოა თავისი სამშობლო უყვარდეს, ნებისმიერ პარტიასთან შეიძლება თანამშრომლობა, მათ შორის, კოალიციაზე საუბარი“, - განაცხადა მამუკა მდინარაძემ.

იხილეთ ვიდეო:

ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
ქართული პრესის მიმოხილვა 24.09.2020
ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის
„შუშხუნა ბაკურიანი“ - სიახლე ბაზრის ლიდერი ბრენდისგან
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)