2020 წლისთვის გამოცხადებული კოალიციური მთავრობა და შესაბამისად განვითარების მოდელი, რომელიც ჩვენს ქვეყანას უნდა შესთავაზონ, დღეს არც „ქართულ ოცნებას“ გააჩნია და არც იმ ძალებს, რომლებსაც მოიაზრებენ ამ კოალიციურ მთავრობაში, - ამის შესახებ დამოუკიდებელმა დეპუტატმა დავით ჭიჭინაძემ განაცხადა.

მისივე განმარტებით, კოალიციური მთავრობა - სხვადასხვა შემადგენლობის პარტიებისგან, „ქართულ ოცნებას“ უკვე ჰქონდა 2016 წლამდე, რამაც დიდი შედეგი ვერ გამოიღო.

„არ მგონია, რომ ამ ფორმატში „ქართულ ოცნებასთან“ თანამშრომლობით ვინმემ რამე შეძლოს ქვეყნისთვის სასიკეთოდ და მითუმეტეს, რადიკალური ცვლილებებისთვის.

პირადად მე, არ ვაპირებ მსგავს ფორმატში თანამშრომლობას, იმიტომ რომ, მე ვთანამშრომლობ მხოლოდ იმ ადამიანებთან, ვისთვისაც სიტყვის, პირობის შესრულებაა მთავარი მიზანი, ანუ, ზოგადად ძალიან ფუნდამენტალური ცვლილებებია განსახორციელებელი, „ქართულმა ოცნებამ“ კი, სამწუხაროდ, ყველაფერზე უარი თქვა. თვითონ კოალიციური მთავრობა კი, სხვადასხვა შემადგენლობის პარტიებისგან, უკვე ჰქონდა „ქართულ ოცნებას“ 2016 წლამდე. ვნახეთ, რომ შედეგი დიდად ვერ გამოიღო და ფინალში მაინც ერთპარტიული მთავრობისკენ წავიდნენ“, - განაცხადა ჭიჭინაძემ.