სახალხო დამცველის ინფორმაციით, 20-21 ივნისის მოვლენების საქმეზე პროკურატურაში მიმდინარე გამოძიების ერთ-ერთი მთავარი პრობლემა არის ის, რომ ვერ ხერხდება სპეცრაზმელების იდენტიფიცირება.
"ერთ-ერთი მთავარი პრობლემა არის ის, რომ თვითონ სპეცრაზმელების იდენტიფიცირება ვერ ხდება, სამწუხაროდ მათი საიდენტიფიკაციო ნომრების გარჩევა ხშირ შემთხვევაში შეუძლებელია, რაც ნამდვილად წარმოადგენს პრობლემას და მნიშვნელოვანია, ასეთი ტიპის ოპერაციების დროს, სამართალდამცავების იდენტიფიცირება იყოს შესაძლებელი, იმისთვის, რომ პასუხისმგებლობა დადგინდეს, თუმცა წინა აქციების მსგავსად, მაშინ როცა მოხდა დაშლა, ძალიან ჭირს პიროვნების იდენტიფიცირება", - განაცხადა სახალხო დამცველმა.