დავით უსუფაშვილი - მომავალ კოალიციებზე დღეს საუბარი უაზროა, დღევანდელი ძალთა თანაფარდობა არჩევნებამდე მნიშვნელოვნად შეიცვლება

პროპორციული არჩევნები უდრის კოალიციურ მმართველობას, მაგრამ მომავალ კოალიციებზე დღეს საუბარი უსაგნო და უაზროა. დღევანდელი ძალთა თანაფარდობა არჩევნებამდე მნიშვნელოვნად შეიცვლება ახალი საარჩევნო სისტემის გამოც, მოსახლეობაში არსებული განწყობების გამოც და ახალი პოლიტიკური მოთამაშეების შემოსვლის გამოც, - ამის შესახებ „შენების მოძრაობის“ ლიდერი დავით უსუფაშვილი სოციალურ ქსელში წერს.

„შენების მოძრაობის“ სამომავლო პრიორიტეტია ისეთი ახალი, ცენტრისტული, ქვეყნის უკეთ მართვის შემძლე პოლიტიკური ორგანიზაციის თანადამფუძნებლობა, რომელიც გაისიგრძეგანებს 30 წლიან მწარე პოლიტიკურ გამოცდილებას, ასპარეზს გაუხსნის ახალ თაობას ახალი ხედვებით და დაასრულებს მტრობაზე და სიძულვილზე დაფუძნებულ ორპოლუსიან პოლიტიკურ სისტემას.

არც წარსულში ვყოფილვართ რაიმე გაერთიანებაში და ვერც მომავალში ვხედავთ თავს კოალიციაში, მაგალითად, პატრიოტთა ალიანსთან. დარწმუნებული ვარ, იგივე დამოკიდებულება აქვთ მათ ჩვენდამი, რისი მიზეზიც გაცილებით ღრმა და კომპლექსურია, ვიდრე საგარეო პოლიტიკური პრიორიტეტები.

წარსულში ვიყავი როგორც 2003 წლის, ისე 2012 წლის ცვლილებების თანამონაწილე და ერთგული ვრჩები იმ პრინციპების და დაპირებებისა, რომლებიც ჯერ „ნაცმოძრაობამ“ დაივიწყა და შემდეგ - „ოცნებამ“. ვნახოთ, რომელიმე მათგანისთვის წარსული იქცევა თუ არა გაკვეთილად, რაც ქვეყნის უკეთესი მომავლის შენებაში თანამონაწილეობას შეაძლებინებთ. ჯერ-ჯერობით არც ერთს არაფერი ეტყობა საამისო და თავს მხოლოდ იმით იწონებენ, რომ „იმან ხომ მეტი გააფუჭა“ ან „ესეც ხომ ისევე ცუდად იქცევა“, - წერს უსუფაშვილი.

ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
ქართული პრესის მიმოხილვა 18.02.2020
ხათუნა ბურკაძე - საქართველოს ნატო-ში ინტეგრაციის პროცესი დასაჩქარებელი და ბუქარესტის სამიტის თითქმის 12-წლიანი დაპირებები შესასრულებელია
ირაკლი გურჩიანი - ყოველი დღე განვითარების ახალი შესაძლებლობაა და ამის დასტური „ტოიოტას“ უახლესი მოდელებია
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ