რომან კაკულია - ეს რომ ნორმალური ქვეყანა იყოს, შს მინისტრი გადადგებოდა, მაგრამ ნორმალური ქვეყანა არ არის, რადგან ოპოზიციასა და ხელისუფლებას შორის მიმდინარეობს არა ოპონირება, არამედ მტრობა

ეს რომ ნორმალური ქვეყანა იყოს, შს მინისტრი გადადგებოდა, მაგრამ ნორმალური ქვეყანა არ არის, რადგან ოპოზიციასა და ხელისუფლებას შორის მიმდინარეობს არა ოპონირება, არამედ მტრობა, - ამის შესახებ “ქართული ოცნების“ დეპუტატმა რომან კაკულიამ “პალიტრანიუსის“ გადაცემა “360 გრადუსში“ განაცხადა.

კაკულიამ ხაზგასმით აღნიშნა, რომ გახარია ის ადამიანი არ არის, ვინც თანამდებობას არის ჩაბღაუჭებული და თანამდებობაზე რაღაცას ეძებს. მისივე თქმით, ხელისუფლებას უწევს აღიარება იმისა, რომ გახარიას ტიპის სახელმწიფო მოხელეები “მარჯვნივ და მარცხნივ ბევრი არ ჰყავს“.

“ვიდრე არსებობს პოლიტიკური ძალა, ვისაც არსენალში ძალადობა აქვს, ვიდრე ის პოლიტიკური ველიდან არ გავა, გაქვს მაღალი ტოლერანტობა ხელისუფლების მიერ დაშვებული შეცდომების მიმართ. ეს არის პრობლემა. გახარიას გადადგომა არგადადგომაც ამ კონტექსტით განიხილება“, - განაცხადა რომან კაკულიამ.

მან ასევე დასძინა, რომ დარწმუნებულია, ყველაზე მეტად გახარია განიცდის იმას, რაც მოხდა.

“შეიძლებოდა უკეთესად ჩატარებულიყო. ურემი რომ გადაბრუნდა, ყველაფერი გამოჩნდა. ეს რომ თავიდან იყოს გასავლელი, ამ ყველაფრის ტექნიკურ შესრულებას სულ სხვანაირად გაივლიდა. თუ მას ხელში რაღაც სადავეები უჭირავს, რითაც შეუძლია, რომ ეს ისტორია დაასრულოს, გიჩენს შეგრძნებას: მოდით, იქნებ ვაცალოთ! რომ ამბობთ, საქმე სხვამ გააგრძელოსო, გეთანხმებით, თეორიულად ასე უნდა იყოს, მაგრამ ვერ ვართ ამ დონეზე და სამწუხაროდ, უნდა ვაღიაროთ, რომ ბევრი გახარია არ გვყავს. ამიტომ ამ ადამიანზე ვართ კონცენტრირებული. ამ პროცესიდან ველოდები დამთავრებას, ამ ქვეყანაში გადამტრიალებლები არსებობენ თუ არ არსებობენ. ამის გარეშე წინ ვერ მივდივართ“, - განაცხადა რომან კაკულიამ.

იხილეთ ვიდეო

ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
ქართული პრესის მიმოხილვა 18.02.2020
ხათუნა ბურკაძე - საქართველოს ნატო-ში ინტეგრაციის პროცესი დასაჩქარებელი და ბუქარესტის სამიტის თითქმის 12-წლიანი დაპირებები შესასრულებელია
ირაკლი გურჩიანი - ყოველი დღე განვითარების ახალი შესაძლებლობაა და ამის დასტური „ტოიოტას“ უახლესი მოდელებია
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ