ჩვენი ბაზრები არის საკმარისად დივერსიფიცირებული, - ამის შესახებ ეკონომიკისა და მდგრადი განვითარების მინისტრმა ნათია თურნავამ ექსპორტის ნაწილში დივერსიფიცირებულ ბაზრებზე საუბრისას განაცხადა.

მისი თქმით, საქართველოს უამრავი თავისუფალი ვაჭრობის შეთანხმება აქვს და ამ მიმართულებით მუშაობა გრძელდება.

„ჩვენი ბაზრები არის საკმარისად დივერსიფიცირებული. ეს არის ჩვენი პოლიტიკის ქვაკუთხედი. იმიტომ, რომ ჩვენ ვახორციელებთ თავისუფალი ლიბერალური ბაზრის, ასე ვთქვათ, პოლიტიკას. გვაქვს უამრავი თავისუფალი ვაჭრობის შეთანხმებები, ერთადერთი ქვეყანა ვართ რეგიონში, ვისაც ერთდროულად აქვს ევროკავშირთან თავისუფალი ვაჭრობის შეთანხმება და ჩინეთთან და მათ შორის ჰონკ კონგთან გვაქვს თავისუფალი ვაჭრობის შეთანხმება. ამ მიმართულებით მუშაობას ვაგრძელებთ, მოლაპარაკება მიმდინარეობს ინდოეთთან, ისრაელთან და ასე სხვა ქვეყნებთანაც“, - განაცხადა მინისტრმა.