დღეს აჭარაში ძალიან მნიშვნელოვანი პარტიული შეხვედრა გვქონდა, სადაც მივიღეთ გადაწყვეტილება რეგიონული ორგანიზაციის დაფუძნებასთან დაკავშირებით - კანდიდატურად წარდგენილ იქნა თორნიკე რიჟვაძე, - ამის შესახებ პარტიის გენერალურმა მდივანმა კახა კალაძემ განაცხადა.

კალაძე დარწმუნებულია, რომ რიჟვაძე ამ საპასუხისმგებლო თანამდებობაზე წარმატებული იქნება.

“მინდა მას წარმატებები ვუსურვო. საკმაოდ საპასუხისმგებლო თანამდებობაა. დარწმუნებული ვარ, თანაპარტიელებთან ერთად, ის იქნება წარმატებული. ძალიან მნიშვნელოვანია, ხალხთან, საზოგადოებასთან კომუნიკაცია, იმ პროექტებზე საუბარი, რომელიც როგორც ბათუმში, ასევე მაღალმთიან აჭარაში ხორციელდება“, - განაცხადა “ქართული ოცნების“ გენერალურმა მდივანმა მედიასთან, შეხვედრის დასრულების შემდეგ.

დღეს, “ქართული ოცნება - დემოკრატიული საქართველოს” აჭარის რეგიონული ორგანიზაცია დაფუძნდა. ორგანიზაციის თავმჯდომარედ აჭარის ავტონომიური რესპუბლიკის მთავრობის თავმჯდომარე თორნიკე რიჟვაძე წარადგინეს.