პროკურორი - რა ინფორმაციის მატარებელია გრიგოლ ვაშაძე, ეს დაკითხვის დროს გამჟღავნდება

გამოძიებამ მიზანშეწონილად მიიჩნია, გრიგოლ ვაშაძე მოწმის სახით სასამართლოში დაეკითხა, - ამის შესახებ ჟურნალისტებს პროკურორმა შმაგი გობეჯიშვილმა სასამართლოში განუცხადა.

როგორც გობეჯიშვილი განმარტავს, გამოძიებას გრიგოლ ვაშაძესთან ის კითხვები ექნება, რასაც მიზანშეწონილად ჩათვლის.

"გამოძიება მიმდინარეობს შინაგან საქმეთა სამინისტროში საქართველოს სისხლის სამართლის კოდექსის 225-ე და 315-ე მუხლებით. გამოძიებამ მიზანშეწონილად მიიჩნია დაეკითხა გრიგოლ ვაშაძე მოწმის სახით სასამართლოში. თვითონ მოითხოვა სასამართლოში მოწმის სახით დაკითხვა. რა ინფორმაციის მატარებელია, ეს თავად დაკითხვის დროს გამჟღავნდება, წინასწარ ვერ განვსაზღვრავთ თუ რა ინფორმაცია შეიძლება ჰქონდეს. დაისმება ყველა ის კითხვა, რასაც მიზანშეწონილად მიიჩნევს გამოძიება, კითხვების შინაარსზე ვერ ვისაუბრებ, ეს დამოკიდებულია მოწმისგან მოწოდებულ ინფორმაციაზე. მტკიცებულებებზე და ფაქტებზე გამოძიების ინტერესებიდან გამომდინარე ვერ ვისაუბრებ", - განაცხადა გობეჯიშვილმა.

ამ წუთებში, თბილისის საქალაქო სასამართლოში „ნაციონალური მოძრაობის“ ლიდერი გრიგოლ ვაშაძე მაგისტრატი მოსამართლის თანდასწრებით ჩვენებას აძლევს. ის 20-21 ივნისს, რუსთაველის გამზირზე განვითარებულ მოვლენებთან დაკავშირებით დაწყებული გამოძიების ფარგლებში იკითხება.

ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული პრესის მიმოხილვა 19.08.2019
გავლენის ოპერაციები ანუ „მკვლელობათა ჯაჭვი“