გრიგოლ ვაშაძე - სასამართლოს წუთი წუთზე მოვუყევი ყველაფერი, რაც აქციაზე ხდებოდა - ბრალდების მხარე ვერ შეედავება ვერც ერთ ამ დროის მონაკვეთს

ბრალდების მხარე ცდილობდა, გამოკითხვა წაეყვანა იმ მიმართულებით, 20 ივნისის დილიდან იყო თუ არა რომელიმე ჯგუფის მცდელობა, დაეგეგმა სახელმწიფო გადატრიალება ან ძალადობის გამოყენება, - ამის შესახებ გაერთიანებული ოპოზიციის ლიდერმა, გრიგოლ ვაშაძემ საქალაქო სასამართლოში დაკითხვის შემდეგ განაცხადა.

მან ისაუბრა მაგისტრატი მოსამართლის თანდასწრებით მისი დაკითხვის შესახებ და აღნიშნა:

„ყველაფერი იყო კორექტულად, ბრალდების მხარე ყველანაირად ცდილობდა გამოკითხვა წაეყვანა იმ მიმართლებით, ვითომ იყო თუ არა 20 ივნისის დილიდან რაიმე მცდელობა ან ფაქტი, პიროვნებების რომელიმე ჯგუფს ერთმანეთთან მოელაპარაკა სახელმწიფო გადატრიალების მცდელობაზე ან ძალადობის გამოყენებაზე. ჩემი პასუხი იყო, რომ ისეთი იმპროვიზირებული მე ცხოვრებაში არაფერი მინახავს, როგორც 20 ივნისის 19:00 საათზე შემდგარი მანიფესტაცია იყო, როდესაც მოქალაქეები ერთმანეთს ჯერ კიდევ დღის თორმეტ თუ პირველ სააათზე სოციალური ქსელების მეშვეობით მოელაპარაკნენ. ნურც ერთი ოპოზიციური პარტია ნუ ეცდება იმის მტკიცებას, რომ ის იყო რამის ორგანიზატორი. ორგანიზატორი იყო საქართველოს მოქალაქე. მე სახელმწიფო გადატრიალება არ მინახავს, რომელსაც ნორმალური ხმის აპარატურაც არ აქვს, ხელისუფლების და ხელისუფლების წარმომადგენელი ბრალდების ეს მცდელობა განწირულია წარუმატებლობისთვის. მათ წუთი წუთზე მოვუყევი ყველაფერი, რაც იქ ხდებოდა. ბრალდების მხარე ვერ შეედავება ვერც ერთ ამ დროის მონაკვეთს. იმედი მაქვს, რომ ისეთი კარგი შთაბეჭდილება მოვახდინე, კიდევ დამიბარებენ. წყნარად, მშვიდად ვილაპარაკეთ“, - განაცხადა ვაშაძემ.

გაერთიანებული ოპოზიციის ლიდერი, გრიგოლ ვაშაძე დღეს, თბილისის საქალაქო სასამართლოში, მაგისტრატი მოსამართლის თანდასწრებით, მოწმის სტატუსით დაიკითხა.

ვიტალი ბალა - დარწმუნებული ვარ, რომ პუტინთან შეხვედრის შემდეგ ზელენსკი რუსეთის პრეზიდენტთან მიმართებაში ვარდისფერ სათვალეებს მოიხსნის
ქართული პრესის მიმოხილვა 12.12.2019
თემურ გოჩიტაშვილი - TANAP-ის ამოქმედების შედეგად საქართველო საერთაშორისო მასშტაბის მოთამაშედ ჩამოყალიბდა
ბექა ინჯია - მაქსიმუმი უნდა გაკეთდეს იმისთვის, რომ არბიტრაჟისა და მედიაციის ინტიტუტების სტანდარტები საქართველოში მსხვილ ინვესტორთა მოთხოვნებს პასუხობდეს
ქართული USB კაბელი ტენე, მალე მეორადი ნარჩენებისგან დამზადდება