მამუკა არეშიძე - “ქართული ოცნება“ ყველაფერს გააკეთებს, რომ კოალიციური ტიპის მთავრობაში  „ნაციონალური მოძრაობა“ არ მოხვდეს

“ქართული ოცნება“ ყველაფერს გააკეთებს, რომ კოალიციური ტიპის მთავრობაში „ნაციონალური მოძრაობა“ არ მოხვდეს, - ამის შესახებ ექსპერტმა მამუკა არეშიძემ ჟურნალისტებთან საუბარში განაცხადა. არეშიძის თქმით, „ქართული ოცნებისათვის“ ხელსაყრელია კოალიციური მთავრობა, რადგან მაღალი პროცენტის მიღების შემთხვევაში, „ქართულ ოცნებას“ აქვს შანსი, ერთი მხრივ, თვითონ შეარჩიოს პარტნიორი და მეორე მხრივ, დადებითი იმიჯი შეიქმნას როგორც საქართველოს საზოგადოების, ისე ჩვენი პარტნიორების თვალში.

“საინტერესოა, მოხვდება თუ არა კოალიციური ტიპის მთავრობაში „ნაციონალური მოძრაობა“, ყველაფერი გაკეთდება რომ არ მოხდეს, ამ თვალსაზრისით, „ოცნება“ ყველაფერს გააკეთებს, მაგრამ მე არ გამოვრიცხავ, რომ მთავრობაში მოხვედრის ხიბლმა ხელი შეუწყოს იმ პარტიებსაც, რომლებიც დღეს არიან თემატურ ალიანსში „ნაციონალურ მოძრაობასთან“, მაგრამ აუცილებლად შეეცდებიან, რომ თვითონ მოხვდნენ და „ნაციონალური მოძრაობა“ არ მოხვდეს. მოხდება წვრილ-წვრილი პარტიების გამსხვილება, ზოგი შეუერთდება რომელიმე მსხვილ ოპოზიციურ ძალას. ეს პარტიებიც კი, რომლებიც დღეს არიან გაერთიანებულ ოპოზიციაში, პარლამენტში მოხვედრის შემდეგ, თუ შესთავაზებენ კოალიციურ მთავრობაში ყოფნას „ნაციონალური მოძრაობის“ ხარჯზე, აუცილებლად დათანხმდებიან. კოალიციური მთავრობის პირობებში “ჭრელ პარლამენტს” აუცილებლად მივიღებთ, როგორც პოლიტიკური გემოვნების თვალსაზრისით, ისე ორიენტაციის თვალსაზრისით. ეს ასე იქნება, ეს არის აქსიომა, მაგრამ პრაქტიკა 1992-1993 წლების გვკარნახობს, რომ შეიძლება იყოს პარლამენტი ჭრელი, მაგრამ საქმე გაკეთდეს. იქნება მრავალპოლუსიანობა, აღარ იქნება მხოლოდ “ნაციონალური მოძრაობა” და “ქართული იცნება” და გონივრული მართვის პირობებში ეს დადებით შედეგს მოგვიტანს”, - განაცხადა არეშიძემ.

რამაზ საყვარელიძე - ჩვენი საზოგადოების პრობლემა ისაა, რომ მან ახალი ამბიციური და ბრძოლისუნარიანი პოლიტიკური ძალა, ჯერჯერობით, ვერ წარმოშვა
ქართული პრესის მიმოხილვა 20.01.2020
ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
ხელოვნური ინტელექტი და სასამართლო - კიბერმართლმსაჯულება