სოციალური პროექტის ფარგლებში ზესტაფონის მერიამ 6 ოჯახს საცხოვრებელი სახლები შეუძინა

ზესტაფონის მერიამ 6 ოჯახს თანადაფინანსების პრინციპით საცხოვრებელი სახლები შეუძინა. სოციალური პროექტის ფარგლებში, 2019 წელს, ადგილობრივი ბიუჯეტიდან გამოყოფილი 151 900 ლარი, ზესტაფონის მერიამ 30 000 ლარით გაზარდა.

მერის მოადგილემ ელგუჯა კვეტენაძემ, მაჟორიტარმა დეპუტატმა შალვა კიკნაველიძემ, ადგილობრივი თვითმმართველობის წარმომადგენლებთან ერთად ის ოჯახები დაათვლიერეს, რომლებსაც მერიამ თანადაფინანსების პრინციპით სახლები შეუძინა.

„სოციალური პროექტი უკვე მეხუთე წელია ხორციელდება ზესტაფონში. ამ ხნის მანძილზე მერია ძალიან ბევრ ოჯახს დაეხმარა, როგორც სამშენებლო მასალების შესყიდვით, ასევე თანადაფინანსების პრინციპით, საცხოვრებელი სახლების შეძენაში. ჩვენ გადავწყვიტეთ ადგილზე მოგვენახულებინა ასეთი ოჯახები და გვენახა, გაუმჯობესდა თუ არა მათი საცხოვრებელი პირობები“, - განაცხადა ზესტაფონის მაჟორიტარმა დეპუტატმა, სალვა კიკნაველიძემ.

ზესტაფონის მერიის სოციალური პროექტი, რომელიც უსახლკარო ადამიანების საცხოვრისით უზრუნველყოფას ითვალისწინებს, მეხუთე წელია აქტიურად ხორციელდება ზესტაფონში. უსახლკარო პირთა და ავარიულ მდგომარეობაში მყოფი სახლების პირობებს, მუნიციპალიტეტის შესაბამისი კომისია სწავლობს, რომლის შემადგენლობაში, როგორც მერიის, ასევე საკრებულოს წარმომადგენლები შედიან.

ლადო პაპავა - საქართველოში სტაბილურად არასტაბილური ვითარება მხოლოდ რუსეთის ინტერესებშია
ქართული პრესის მიმოხილვა 22.02.2020
ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
სტუდენტზე ორიენტაცია, მოტივაციის ზრდა და კვალიფიკაციის ამაღლება - სტუ-ის რექტორის მიზნები და გეგმები
„მეტი ქართული პროდუქტის“ ინიციატივა „ვენდისთვის“ წარმატებული აღმოჩნდა
„ტერაბანკმა“ იურიდიული პირებისთვის მობაილბანკი შექმნა