შოთა გეწაძე - იუსტიციის საბჭოს წევრის მიერ საბჭოს მეორე წევრის თუ მოსამართლის პიროვნული შეურაცხყოფა არ შეიძლება

იუსტიციის საბჭოს წევრის მიერ საბჭოს მეორე წევრის თუ მოსამართლის პიროვნული შეურაცხყოფა არ შეიძლება. ამასთან, მოსამართლისგან საბჭოს წევრის პიროვნული შეურაცხყოფა არ შეიძლება,- ამის შესახებ უზენაესი სასამართლოს მოსამართლეობის კანდიდატმა შოთა გეწაძემ იუსტიციის საბჭოში გასაუბრების დროს დასმული კითხვის საპასუხოდ განაცხადა.

უფრო კონკრეტულად, საბჭოს მოსამართლე წევრმა რევაზ ნადარაიმ კანდიდატს ჰკითხა, სად არის იუსტიციის უმაღლესი საბჭოს წევრის გამოხატვის თავისუფლების ზღვარი, როდესაც ის ზოგიერთი მოსამართლეს "ზურაბ ადეიშვილის ნარჩენს უწოდებს". ამასთან, ნადარაიამ მიმართა შოთა გწაძეს, რომ ვინაიდან ეს არის კონკურსის პირობებში დასმული უხერხული შეკითხვა, შეეძლო არ ეპასუხა.

"გეთანხმებით, რომ ეს უხერხული შეკითხვაა, მაგრამ მე, აქ მხოლოდ ტკბილი შეკითხვებისთვის არ მოვსულვარ. მზად ვარ ვუპასუხო ნებიმიერი ტიპის შეკითხვას, მათ შორის მწვავეს, ნაკლებად მწვავეს, არამწვავეს და სუპერმწვავეს. გულახდილად სასაუბროდ მოვედი, რასაც ვსაუბრობ იმას ვფიქრობ, არაფერს ვმალავ, არც თქვენ გატყუებთ და არც საზოგადოებას. უბრალოდ, ნება მიბოძეთ შემოვიფარგლო ზოგადი პასუხით - იუსტიციის საბჭოშიც საბჭოს წევრის მიერ იუსტიციის საბჭოს მეორე წევრის, თუ მოსამართლის პიროვნული შეურაცხყოფა არ შეიძლება. ამასთან, მოსამართლისგან საბჭოს წევრის პიროვნული შეურაცხყოფა არ შეიძლება. ერთმანეთი ვაკრიტიკოთ რამდენიც გნებავთ, მეც მაკრიტიკეთ, მეც გაგაკრიტიკებთ საჭიროების დროს, მაგრამ პიროვნულ შეურაცხყოფას არ მოგაყენებთ არასდროს და ამას არც თქვენგან მოვითმენ", - განაცხადა შოთა გეწაძემ.

შეგახსენებთ, იუსტიციის უმაღლესმა საბჭომ უზენაესი სასამართლოს მოსამართლეობის 137 კაციანი სიიდან უკვე შეადგინა ე.წ. გრძელი სია, რომელიც 50 კანდიდატისგან შედგება. იუსტიციის უმაღლესი საბჭო აღნიშნულ 50 კანდიდატთან გასაუბრების პროცესი უკვე ჩანიშნა. უზენაესი სასამართლოს მოსამართლეობისთვის ფარული კენჭისყრის შედეგად 50 კანდიდატიდან 20 შეირჩევა. იუსტიციის უმაღლესი საბჭოდან პარლამენტს განსახილველად სწორედ ეს 20 კაციანი სია გადაეგზავნება.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა