სიღნაღის მუნიციპალიტეტის მერია იწყებს სამოქალაქო ბიუჯეტის პროექტის განხორციელებას, რომლის ფარგლებშიც ჩატარდება საინფორმაციო შეხვედრები სოფელში მცხოვრები მოსახლეობისთვის. ამის შესახებ „ინტერპრესნიუსს“ სიღნაღის მუნიციპალიტეტიდან აცნობეს.
„სამოქალაქო ბიუჯეტი დემოკრატიის ერთ-ერთი უმნიშვნელოვანესი ელემენტია, ამიტომ სიღნაღის მუნიციპალიტეტის თვითმმართველობა მის ტერიტორიაზე მცხოვრებ მოქალაქეებს საშუალებას აძლევს მონაწილეობა მიიღონ მუნიციპალიტეტის ბიუჯეტის დაგეგმვაში. სწორედ სამოქალაქო ბიუჯეტის არსიდან გამომდინარე, მოსახლეობას შესაძლებლობა მიეცემა თვითონ გადაწყვიტონ თუ რაში დაიხარჯება ბიუჯეტიდან გამოყოფილი გარკვეული თანხები. იყავი აქტიური მოქალაქე, ჩაერთე პროცესებში და შეცვალე შენი სოფელი უკეთესობისკენ”,- აღნიშნულია ინფორმაციაში.