ნიკა გვარამია „რუსთავი 2“-ის გენერალური დირექტორის პოსტიდან გათავისუფლდა და აღნიშნულ თანამდებობაზე პაატა სალია დაინიშნა

„რუსთავი 2“-ის მესაკუთრის, ქიბარ ხალვაშის მოთხოვნით, ნიკა გვარამია ტელეკომპანიის გენერალური დირექტორის პოსტიდან გათავისუფლდა.

შესაბამისი გადაწყვეტილება პარტნიორთა კრების ოქმით დასტურდება. კრების ოქმი საჯარო რეესტრის სააგენტოს ვებ-გვერდზეა ატვირთული.

დოკუმენტით ირკვევა, რომ კრება ხალვაშმა წილების გადაფორმებიდან დაახლოებით ერთ საათში მოიწვია.

ამავე დოკუმენტის თანახმად, ქიბარ ხალვაშის გადაწყვეტილებით, არხის გენერალური დირექტორის პოსტზე პაატა სალია დაინიშნა. კრების ოქმს ქიბარ ხალვაში ხელს ორჯერ აწერს, როგორც 60 % წილის მფლობელი და როგორც შპს პანორამას დირექტორი, რომელიც ტელეკომპანია „რუსთავი 2“-ის 40 % ფლობს. ჯამში, ხალვაში „რუსთავი 2“-ის 100 %-იანი წილის მფლობელია. ხალვაში ტელეკომპანიის მესაკუთრედ იუსტიციის სამინისტროს საჯარო რეესტრმა რამდენიმე საათის წინ დაარეგისტრირა.

ნიკა გვარამია "რუსთავი 2"-ის გენერალური დირექტორის პოსტიდან გათავისუფლდა და თანამდებობაზე პაატა სალია დაინიშნა

ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
ქართული პრესის მიმოხილვა 18.02.2020
ხათუნა ბურკაძე - საქართველოს ნატო-ში ინტეგრაციის პროცესი დასაჩქარებელი და ბუქარესტის სამიტის თითქმის 12-წლიანი დაპირებები შესასრულებელია
ირაკლი გურჩიანი - ყოველი დღე განვითარების ახალი შესაძლებლობაა და ამის დასტური „ტოიოტას“ უახლესი მოდელებია
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ