ახლო მანძილიდან დამიზნებით, რეზინის ტყვია ესროლა ორ ქალბატონს. მან სპეციალური საშუალება მაშინ გამოიყენა, როცა ამ სახის და ინტენსივობის სპეცსაშუალების გამოყენების აუცილებლობა არ იყო, - ამის შესახებ 20-21 ივნისს, პარლამენტის შენობის წინ აქციის დაშლისას იარაღის გამოყენებით სამსახურეობრივი უფლებამოსილების გადამეტების ბრალდებით დაკავებული განსაკუთრებულ დავალებათა დეპარტამენტის თანამშრომელის, გიორგი ესიაშვილის საქმის პროკურორმა, გიორგი მუჯირმა განაცხადა.

როგორც ის განმარტავს, სპეცრაზმელმა სპეციალური საშუალება მაშინ გამოიყენა, როცა ამის საშუალება არ იყო. ასევე პროკურორის განმარტებითვე, აღნიშნულ სამართალდამცავს იარაღის გამოყენებით სამსახურეობრივი უფლებამოსილების გადამეტება ედება ბრალად.

ამ წუთებში, თბილისის საქალაქო სასამართლოში განსაკუთრებულ დავალებათა დეპარტამენტის თანამშრომლის გიორგი ესიაშვილის მიმართ აღკვეთის ღონისძიების შეფარდებაზე მსჯელობენ.