გამოკითხვისას შინაგან საქმეთა მინისტრის, გიორგი გახარიას მიერ ყველა კითხვაზე გაცემული იქნა პასუხი, - ამის შესახებ ჟურნალისტებს 20-21 ივნისს, პარლამენტის შენობის წინ აქციის დაშლისას დაკავებული სამართალდამცავების საქმის პროკურორმა, გიორგი მუჯირმა განუცხადა.
როგორც ის განმარტავს, საჭიროების შემთხვევაში ყველა პირი, მათ შორის შინაგან საქმეთა მინისტრის მოადგილეც დაიკითხება.
"მოცემული საქმის ფარგლებში გამოიკითხა შინაგან საქმეთა მინისტრი, გამოძიების მიერ მას დაესვა ყველა ის კითხვა, რაც გამოძიების ამ ეტაპზე საჭირო და მნიშვნელოვანი იყო. შინაგან საქმეთა მინისტრის მიერ ყველა კითხვაზე გაცემული იქნა პასუხი. საჭიროების შემთხვევაში, გამოიკითხება ყველა პირი, რომელიც საქმისათვის მნიშვნელოვან ინფორმაციას ფლობს, მათ შორის შინაგან საქმეთა მინისტრის მოადგილეც", - განაცხადა მუჯირმა.
კითხვაზე, გამოიკითხება, თუ არა ანზონ ჩუბინიძეც, პროკურორი პასუხობს, რომ საჭიროების შემთხვევაში, ყველა პირი გამოიკითხება და "ანზორ ჩუბინიძეც ყველა არის".