IRI-ს კვლევის თანახმად, რესპონდენტთა 52 %-ის აზრით, საქართველოს მთავრობა რუსეთთან ურთიერთობას სათანადოდ ვერ უმკლავდება

საერთაშორისო რესპუბლიკური ინსტიტუტის (IRI) კვლევების ცენტრის მიერ გამოქვეყნებული საზოგადოებრივი აზრის გამოკითხვის შედეგებით, რესპონდენტთა 52 პროცენტის აზრით, საქართველოს მთავრობა რუსეთთან ურთიერთობას სათანადოდ ვერ უმკლავდება.

ამასთან, გამოკითხულთა 71 პროცენტის აზრით, რუსეთის აგრესია საქართველოს მიმართ ამჟამადაც გრძელდება (ეს მონაცემი 2014 წლის თებერვალშიც იგივე იყო) და მოსახლეობის უმრავლესობა ჩრდილოელ მეზობელს ქვეყნის მთავარ ეკონომიკურ და პოლიტიკურ საფრთხედ აღიქვამს.

კვლევის შედეგების თანახმად, რომელიც მთელი საქართველოს მასშტაბით 2019 წლის 20 მაისი - 11 ივნისის შუალედში ჩატარდა, პესიმისტურია საქართველოს მოსახლეობის მიერ მთავრობის მუშაობის შეფასებაც. გამოკითხულთა 26 პროცენტს უჭირს მთავრობის მიღწევის დასახელება, 35 პროცენტის აზრით კი, მთავრობას მიღწევა არ ჰქონია. აღსანიშნავია, რესპონდენტთა 15 პროცენტი ჯანდაცვის რეფორმას მთავრობის მთავარ წარმატებად ხედავს. გამოკითხულთა მიერ სპონტანურად დასახელებული ვერც ერთი სხვა მიღწევა ჯამში 4 პროცენტს ვერ აჭარბებს და მათ შორის ვერ ხვდება უმუშევრობის დასაძლევად გადადგმული ნაბიჯები.

ცნობისთვის, აღნიშნული კვლევა ჩატარდა ბალტიის კვლევების/გელაპის ორგანიზაციის (GALLUP) მიერ საერთაშორისო რესპუბლიკური ინსტიტუტის (IRI) კვლევების ცენტრის დაკვეთით. საველე სამუშაოები ჩაატარა კვლევისა და მარკეტინგის ინსტიტუტმა (IPM). მონაცემები მთელი საქართველოს მასშტაბით 2019 წლის 20 მაისი - 11 ივნისის შუალედში, პირისპირ ინტერვიუების საშუალებით შეგროვდა. წარმომადგენლობითი შერჩევის მეთოდზე დაყრდნობით, გამოიკითხა საარჩევნო უფლების მქონე 1500 მოქალაქე. კვლევის შედეგების ცდომილების ზღვარი +/-2.5 პროცენტია.

იხილეთ ვიდეო: IRI-ს კვლევის თანახმად, რესპონდენტთა 52 %-ის აზრით, საქართველოს მთავრობა რუსეთთან ურთიერთობას სათანადოდ ვერ უმკლავდება

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 14.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
კომპანია „ფრეგოს“ მთავარი ინვესტორი განცხადებას ავრცელებს
„კავკასუს როუდ პროჯექტმა“ ბიზნეს პროცესების ავტომატიზაცია BDO-სთან პარტნიორობით განახორციელა
"Sarajishvili 2020" - უნიკალური გემოსა და დიზაინის მქონე სასმელი ამაღლებული საახალწლო განწყობისთვის
საფეხბურთო კლუბი „სამტრედია“ უმაღლეს ლიგაში გადავიდა
Archdaily „ლისი დეველოპმენტის“ პროექტების შესახებ სტატიას აქვეყნებს
ჩინური კომპანია POWERCHINA/SINOHYDRO 202-ე უსინათლო ბავშვთა საჯარო სკოლას ეწვია