ანა დოლიძე IRI-ის კვლევაზე - მოსახლეობა ხედავს, რომ "კოლექტიური მურუსიძის“ და სერგო მეთოფიშვილების ფენომენია

IRI -ის კვლევის მიხედვით, ყველაზე ნეგატიური რეპუტაცია სახელმწიფო ინსტიტუტებს შორის სასამართლოს აქვს. ბოლო დროს, მისი გაუარესებული რეპუტაცია იუსტიციის უმაღლეს საბჭოში ჩვენი კოლეგების დამსახურებაა, რომელსაც ჩვენი მოსახლეობა ყოველ ორშაბათს უყურებდა. ხედავდა,რომ სწორედ ეს ადამიანები, სამწუხაროდ, წარმოადგენენ მართლმსაჯულებას ჩვენს ქვეყანაში,- ამის შესახებ იუსტიციის უმაღლესი საბჭოს არამოსამართლე წევრმა ანა დოლიძემ ჟურნალისტებს განუცხადა.

მისი თქმით, IRI-ის კვლევის შედეგად ირკვევა, რომ ჩვენ სასზოგადოებაში სასამართლოებს ნდობა არ აქვს. როგორც დოლიძემ აღნიშნა, ის თუ რატომ აქვს სასამართლოს ნდობის დაბალი მაჩვენებელი, ამის მიზეზები კომპლექსურია. მისი თქმით, მოსახლეობა ხედავს, რომ არის "კოლექტიური მურუსიძის ფენომენი, უსამართლობის ჩამდენი პირების დაწინაურებისა და სერგო მეთოფიშვილების ფენომენი".

"ამ პირდაპირი ეთერების შემდეგ, რომელიც გადაიცემა უზენაესი სასამართლოს გასაუბრებებიდან, რეიტინგი რომ გაზომონ, ალბათ, კიდევ უფრო დაბალი იქნება. ჩვენი ხალხი ხედავს, რომ ბევრი მოსამართლე, რომელსაც პრეტენზია აქვს უმაღლეს სასამართლოში მუშაობის და რომელიც შეიძლება დაწინაურდეს უზენაეს სასამართლოში, ელემენტარულ კითხვებს ვერ პასუხობს. მაგალითად, ვერ პასუხობს, ბოლოს რა სამართლებრივი ნაშრომი წაიკითხა. ამიტომ, მოსახლეობის ეს წარმოდგენა შეესაბამება სამწუხაროდ, იმ წარმოდგენას, რასაც ქმნიან იუსტიცის საბჭოს წევრები გასაუბრებაზე", - განაცხადა ანა დოლიძემ.

ავთანდილ წულაძე - მაკრონის, შოლცისა და ტუსკის შეხვედრის შემდეგ ცხადი გახდა, რომ უკრაინის იარაღის გარეშე დატოვების გეგმა ჩავარდა, ევროპისა და უკრაინა-რუსეთს შორის სამხედრო დაპირისპირება გაგრძელდება  და გაღრმავდება
„საქართველო მეცნიერების ქვეყანაა“ - აკადემიკოსი როინ მეტრეველი
ქართული პრესის მიმოხილვა 18.03.2024
Webster University Georgia-ს ფსიქოლოგიის საბაკალავრო პროგრამა დაემატა
Webster University Georgia-ს კომპიუტერული მეცნიერებების საბაკალავრო პროგრამა დაემატა