გუბაზ სანიკიძე - ოქრუაშვილის დაცვის წევრის დაკავებას პოლიტიკურ დევნას და „რუსთავი 2“-ის საკითხს ვუკავშირებთ - ივანიშვილის ტერორის არავის ეშინია

არაფერ კარგს არ ველოდებით, რადგან სასამართლო ბიძინას ჯიბეში უდევს, - ამის შესახებ „გამარჯვებული საქართველოს“ წევრმა გუბაზ სანიკიძემ თავდაცვის ყოფილი მინისტრის, ირაკლი ოქრუაშვილის დაცვის თანამშრომლის დაკავების თაობაზე განაცხადა.

ამასთან, მას ეჭვი არ ეპარება, რომ ირაკლი ოქრუაშვილის დაცვის თანამშრომელს, კობა კოშაძეს იარაღი ჩაუდეს და შედეგად დააკავეს. აღნიშნულს გუბაზ სანიკიძე პოლიტიკურ დევნას უწოდებს და „რუსთავი 2“-ის საქმესთან აკავშირებს.

„ჩვენ პირდაპირ ვუკავშირებთ ამას პოლიტიკურ დევნას და გარდა ამისა, „რუსთავი 2“-ის საკითხს. იმიტომ, რომ ირაკლი ოქრუაშვილს აქვს ძალიან სერიოზული საბუთები იმისა, რომ მას ეკუთვნის „რუსთავი 2“ და არა ქიბარ ხალვაშს. თვითონ ბიძინა ივანიშვილი გადასულია ჩვეულებრივ ტერორზე. ბიძინას ტერორის არავის ეშინია, მითუმეტეს ჩვენ. არაფერ კარგს არ ველოდებით, იმიტომ, რომ სასამართლო ბიძინას ჯიბეში უდევს,“ - განაცხადა გუბაზ სანიკიძემ.

შეგახსენებთ, რომ ადვოკარტი დღევანდელ სასამართლო სხდომაზე კობა კოშაძის მიმართ აღკვეთის ღონისძიების სახით 10 000-ლარიანი გირაოსა და სხვა ნებისმიერი შემზღუდველი ღონისძიების გამოყენების შუამდგომლობას დააყენებს.

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 14.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
კომპანია „ფრეგოს“ მთავარი ინვესტორი განცხადებას ავრცელებს
„კავკასუს როუდ პროჯექტმა“ ბიზნეს პროცესების ავტომატიზაცია BDO-სთან პარტნიორობით განახორციელა
"Sarajishvili 2020" - უნიკალური გემოსა და დიზაინის მქონე სასმელი ამაღლებული საახალწლო განწყობისთვის
საფეხბურთო კლუბი „სამტრედია“ უმაღლეს ლიგაში გადავიდა
Archdaily „ლისი დეველოპმენტის“ პროექტების შესახებ სტატიას აქვეყნებს
ჩინური კომპანია POWERCHINA/SINOHYDRO 202-ე უსინათლო ბავშვთა საჯარო სკოლას ეწვია