პარლამენტთან, სადაც შს მინისტრის, გიორგი გახარიას გადადგომის მოთხოვნით, უკვე 30-ე დღეა აქცია იმართება, სიტყვით გამოსვლების ნაწილი დასრულდა და დაიწყო სასაუბრო პანელი, სადაც შრომის უსაფრთხოებასთან დაკავშირებით დისკუსია გაიმართება.
მანამდე აქციის მონაწილეებს ფლაერები დაურიგდათ, სადაც "20-21 ივნისს მომხდარი ფაქტები და შს მინისტრის 12 ტყუილია ასახული".
"აქციის მონაწილეებს ფლაერები დაურიგდათ, სადაც ასახულია სტატისტიკა, თუ რა მოხდა 20-21 ივნისის ღამეს და აგრეთვე ჩამოთვლილია ტყუილები, რომელიც ჩვენმა შს მინისტრმა სამოქალაქო საზოგადოებას უტიფრად აკადრა. მოხერხება უნდა 12 ტყულის თქმას", - მიმართა დიღმელაშვილმა აქციის მონაწილეებს.