საქართველოს ყოფილმა პრეზიდენტმა, პარტია „ახალი ძალების მოძრაობის“ ლიდერმა მიხეილ სააკაშვილმა თავისი პარტიის მომხრეებს მოუწოდა პროპორციულ არჩევნებში ხმა პრეზიდენტ ზელენსკის პარტიას მისცენ.

მიხეილ სააკაშვილის აზრით, პრეზიდენტ ზელენსკის უნდა მიეცეს უმრავლესობის შექმნის შანსი და ამ სიტუაციაში ყოველი პროცენტი მნიშვნელოვანია. სააკაშვილი აცხადებს, რომ ის ორიოდე პროცენტი, რისი მიღების შანსიც მის პარტიას აქვს, შეიძლება მაინც არ ეყოს ბარიერის გადასალახად და დასანანი იქნება თუ ეს პროცენტები დააკლდება ზელენსკის პარტიას მთავრობის ჩამოსაყალიბებლად. ამიტომ სააკაშვილი თავის მომხრებს მოუწოდებს მხარი დაუჭირონ საკუთარი პარტიის -„ახალი ძალების მოძრაობის“ მაჟორიტარ კანდიდატებს, ხოლო პროპორციულ ნაწილში ხმა მისცენ ზელენსკის „ხალხის მსახურს“.

ამ ინფორმაციას სააგენტო „უნიანი“ ავრცელებს.