ურსულა ფონ დერ ლაიენის ევროკომისიის ხელმძღვანელის პოსტზე დანიშვნა ბრიუსელსა და ვაშინგტონს შორის ურთიერთობების გადატვირთვას შეუწყობს ხელს, - ამის შესახებ აშშ-ის ელჩმა ევროკავშირში გორდონ სონდლენდმა განაცხადა.

„ევრონიუსთან“ საუბრისას ელჩმა განაცხადა, რომ აშშ-ისა და ევროკავშირს შორის ურთიერთობის სუფთა ფურცლიდან დაწყების შესაძლებლობა გაჩნდა.

„ვითარება მცირედით სტაგნაციისკენ მიდის, მათ დაიწყეს გულგრილობის გამოვლენა ცალკეულ შემთხვევებში. ამიტომაც ვფიქრობ, ევროკომისიის ხელმძღვანელის შესცვლა, თუ ამას მოისურვებ, ურთიერთობისთვის კარგი იქნება“, - განაცხადა გორდონ სონდლენდმა.

შეგახსენებთ, ბოლო პერიოდში ვაშინგტონსა და ევროკავშირს შორის ურთიერთობა გაუარესდა. ამის მიზეზი მნიშვნელოვან საკითხებზე განსხვავებული პოზიციებია. მათ შორის ირანის და კლიმატური ცვლილებნების საკითხებსა და სავაჭრო ურთიერთობების კუთხით.