ბრიტანული ინტერნეტგამოცემა ბათუმის შავი ზღვის მუსიკისა და ხელოვნების ფესტივალს ვრცელ სტატიას უძღვნის

ბრიტანული ინტერნეტგამოცემა ბათუმის შავი ზღვის მუსიკისა და ხელოვნების ფესტივალს ვრცელ სტატიას უძღვნის სათაურით - „ბათუმის შავის ზღვის მუსიკისა და ხელოვნების ფესტივალ - საქართველოს კულტურული ფანჯარა ევროპაში“.

„ბათუმის შავი ზღვის მუსიკისა და ხელოვნების ფესტივალზე შვიდი წლის განმავლობაში იკრიბებიან შესანიშნავი ახალგაზრდა ქართველი და უცხოელი არტისტები, სადაც მათ ეძლევათ საკუთარი შესაძლებლობების გამოვლენის საშუალება. ფესტივალი შეიქმნა საქართველოს ერთ-ერთი ყველაზე ნიჭიერი პიანისტის ელისო ბოლქვაძის მიერ, როგორც ახალგაზრდა მუსიკოსების წარმოჩენის საშუალება და ასევე როგორც კლასიკური მუსიკის აუდიტორიამდე მიტანის გზა, რომელსაც სხვაგვარად შესაძლოა ვერ მოეხერხებინა ამ შესანიშნავი ხელოვნების აღმოჩენა.

მას შემდეგ, რაც დავიწყეთ, ფესტივალის მისია ყოველთვის იყო ახალგაზრდა ქართველი ტალანტების ხელშეწყობა, მათი განსხვავებულობის ჩვენება და ასევე მისი ხელმისაწვდომობა რაც შეიძლება მეტი ადამიანისთვის“, – განუცხადა Emerging Europe-ს ბოლქვაძემ, რომელიც 2015 წლიდან იუნესკოს „მშვიდობის ხელოვანია“.

ძალიან ბევრ ადამიანს სურს კულტურის აღმოჩენა და ფესტივალი მათ ამაში ეხმარება.

ხელოვნების რაც შეიძლება ფართო აუდიტორიამდე მიტანის სურვილი არის იმის მიზეზი, რომ ფესტივალი იმართება ბათუმში, შავი ზღვის კურორტზე და არა თბილისში, საქართველოს დედაქალაქში.

“ეს არის შვებულებების პერიოდი“, – აცხადებს ბოლქვაძე, რომლის დედაც ბათუმიდანაა. „ადამიანები შვებულებას ზღვის სანაპიროზე ატარებენ და დიდი დრო აქვთ, რომ მოვიდნენ ფესტივალზე და ისიამოვნონ მუსიკით. ბათუმში ზაფხულში არის განსაკუთრებული ატმოსფერო, ადამიანები მშვიდად არიან. მე ბავშვობაში ზაფხულს აქ ვატარებდი“.

ბათუმის ინფრასტრუქტურა ასევე დადებითი ფაქტორია. ბოლქვაძე უთითებს უამრავ შესანიშნავ სასტუმროზე, რომელთა შეთავაზებაც შეუძლია ბათუმს. ერთადერთი პრობლემაა აქ მოხვედრა, რასაც ქალაქის ყველა სტუმარი აღიარებს. „ჩვენ უფრო მეტი პირდაპირი რეისები გვჭირდება“, – ამბობს ის.

ფესტივალის მიმდებარე ტერიტორიაზე ბოლქვაძე ახალგაზრდებისთვის საზაფხულო ბანაკებს აწყობს.

„ჩვენ ეს ორი წლის წინ წამოვიწყეთ“, – ამბობს ბოლქვაძე.

„როგორც იუნესკოს ხელოვანი, ჩემთვის ძალიან მნიშვნელოვანია, რომ კონფლიქტის შედეგად დაზარალებულ ბავშვებს ამ ბანაკებში მონაწილეობის შესაძლებლობა ჰქონდეთ, რომლებიც განათლების სამინისტროსთან ერთად შეიქმნა. ჩვენ ვაერთიანებთ ასობით 12–17 წლის ახალგაზრდას მთელი საქართველოდან, რომელთაც შეუძლიათ აღმოაჩინონ ხელოვნება, მუსიკა და კულტურა. ისინი მონაწილეობას იღებენ სემინარებში და შეუძლიათ ფესტივალზე დასწრება. ეს არის მათთვის საშუალება, რომ აღმოაჩინონ საკუთარი შემოქმედებთი შესაძლებლობები“, - აცხადებს ბოლქვაძე.

ფესტივალზე რეგულარულად იწვევენ წამყვან უცხოელ მუსიკოს-შემსრულებლებს ევროპიდან და მსოფლიოს სხვა ქვეყნებიდან. ბევრი მათგანი ახალგაზრდა მუსიკოსებს მასტერკლასებს სთავაზობს.

“ეს კლასები სტიმულს აძლევს ახალ ტალანტებს, რომ გაიფართოონ ცოდნა და შეხედულებები მუსიკის სფეროში. ყველაზე ნიჭიერები მიწვეული იქნებიან საზღვარგარეთ და მონაწილეობას მიიღებენ ყველაზე პრესტიჟულ გალა კონცერტებში ევროპაში“, – ამბობს ბოლქვაძე.

გარდა ამისა, ბათუმის შავი ზღვის მუსიკისა და ხელოვნების ფესტივალი წარმოადგენს მუსიკის დღესასწაულს, შეხსენებას – რომ არაფერი აახლოებს ადამიანებს და ერებს მუსიკაზე და ხელოვნებაზე მეტად. ბოლქვაძე – რომელთან საუბარიც ძალიან სასიამოვნოა და რომელიც სავსეა სურვილით, რომ გამოიყენოს მუსიკა მსოფლიოში სიკეთის დამამკვიდრებელ ძალად – არის ფესტივალის იდეალური პერსონა და მუსიკის, იუნესკოს და საქართველოს უნაკლო ელჩი.

“კლასიკური მუსიკის ბგერები სცდება ბათუმს ამ შესანიშნავი 10 დღის განმავლობაში და აცოცხლებს ბახის, ბეთჰოვენის, სენ-სანსის, შოპენის, რაველის და ბევრი სხვა კომპოზიტორის შედევრებს“, – ამბობს ელისო და მიუთითებს, რომ აქ ადგილი ქართული ხალხური მუსიკისთვისაც არის. ქართული პოლიფონიური სიმღერა – იუნესკოს არამატერიალური კულტურული მემკვიდრეობის სიაში შეტანილი უნიკალური, ფასადუდებელი ტრადიცია – არის ფესტივალზე წარმოდგენილი მხოლოდ ერთ-ერთი ადგილობრივი ელემენტი. „ის ყოველთვის წარმოჩენილია, როგორც ეროვნული განძი. ფესტივალი აჟღერებს და მხარს უჭერს საქართველოს საერთაშორისო კულტურულ ინტეგრაციას“.

ბათუმის შავი ზღვის მუსიკისა და ხელოვნების ფესტივალი წელს გაიმართება 1–10 სექტემბერს. დამატებითი ინფორმაცია იხილეთ ფესტივალის ვებგვერდზე.

აღნიშნულის შესახებ ინფორმაციას განათლების, მეცნიერების, კულტურისა და სპორტის სამინისტრო ავრცელებს.

ვიტალი ბალა - დარწმუნებული ვარ, რომ პუტინთან შეხვედრის შემდეგ ზელენსკი რუსეთის პრეზიდენტთან მიმართებაში ვარდისფერ სათვალეებს მოიხსნის
ქართული პრესის მიმოხილვა 10.12.2019
ბექა ინჯია - მაქსიმუმი უნდა გაკეთდეს იმისთვის, რომ არბიტრაჟისა და მედიაციის ინტიტუტების სტანდარტები საქართველოში მსხვილ ინვესტორთა მოთხოვნებს პასუხობდეს
"ორიონ ჯგუფმა" ვირტუალური ფული შექმნა - სიახლე სამშენებლო სექტორში
პროკრედიტ ბანკსა და არასამთავრობო ორგანიზაცია CENN-ს შორის თანამშრომლობის მემორანდუმი გაფორმდა
ახალი ეტაპი „ემბავუდის“ განვითარებაში