პაატა სალია არ ადასტურებს გავრცელებულ ინფორმაციას, რომ  „რუსთავი 2“-ის საინფორმაციო სამსახურის უფროსი ნათია ლაზაშვილი გახდება

ტელეკომპანია „რუსთავი 2“-ის გენერალური დირექტორი პაატა სალია არ ადასტურებს ინფორმაციას იმასთან დაკავშირებით, რომ შესაძლოა, ტელევიზიის საინფორმაციო სამსახურის უფროსი ჟურნალისტი ნათია ლაზაშვილი გახდეს.

„არ ვადასტურებ ამ ინფორმაციას. ორი დღის წინაც იყო ეს ინფორმაცია და მაშინაც ვთქვი, რომ ეს არ იგეგმება“, - განაცხადა სალიამ.

რაც შეეხება იმას, რომ მას სურს, „რუსთავი 2“-ის თანამშრომლებიდან კონსულტანტი ან მოადგილე შეარჩიოს, როგორც სალიამ აღნიშნა, დღეს შეხვედრებზე ეს საკითხი არ დასმულა.

„დღეს ჩვენ გვქონდა შეხვედრები იმასთან დაკავშირებით, პირველი რიგის ამოცანები როგორ შევასრულოთ. დანარჩენ საკითხებზე ხვალ გვექნება საუბარი და ამაზეც გეტყვით რა პოზიცია გვექნება. თუმცა, მე მზად ვარ ყველასთან ვიმუშავო. მოვედი, ვაკეთებ ყველაფერს რომ მაქსიმალური წარმატება ჰქონდეს ამ არხს“, - განაცხადა სალიამ.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა