პარლამენტთან მიმდინარე საპროტესტო აქციაზე შეკრებილ მოქალაქეებს დანომრილი ფურცლები დაურიგეს. როგორც აქციის ორგანიზატორები აცხადებენ, დანომრილი ფურცლები შეკრებილებს იმ მიზეზით დაურიგეს, რომ ამგვარად დაითვალონ რამდენი ადამიანი მივიდა აქციაზე.
„ბიძინა, გამოდი დაგვთვალე", - მიმართა აქციის ერთ-ერთმა ორგანიზატორმა "ქართული ოცნების" თავმჯდომარეს ბიძინა ივანიშვილს.
პარლამენტთან შს მინისტრის გიორგი გახარიას გადადგომის მოთხოვნით საპროტესტო აქცია მიმდინარეობს.