მე, მინდა მივმართო საერთაშორისო თანამეგობრობას და საერთაშორისო პარტნიორებს, რომლებიც თბილისში არიან - ნუ გგონიათ, რომ საქართველოს იპოვნით დახურულ კაბინეტებში და დახურულ შეხვედრებზე, მოდით აქ და დაესწარით ახალი საქართველოს შექმნას, -ამის შესახებ საქართველოს ყოფილმა პრეზიდენტმა გიორგი მარგველაშვილმა პარლამენტთან მიმდინარე საპროტესტო აქციაზე სიტყვით გამოსვლისას განაცხადა.

როგორც მარგველაშვილმა აქციაზე განაცხადა, რომ პარლამენტთან იქმნება ახალი საქართველო.

„დაესწარით იმ საქართველოს შექმნას, რომელმაც საბჭოთა კავშირს უარი უთხრა და თავისი მზერა ევროპისკენ მიმართა. აქ ხდება ეს, სამწუხაროდ კაბინეტებში ნაკლებად ხდება უკვე", - განაცხადა მარგველაშვილმა.

პარლამენტთან შს მინისტრის გიორგი გახარიას გადადგომის მოთხოვნით საპროტესტო აქცია 20 ივნისიდან მიმდინარეობს.