სოფელ ხაშმში ახალი სასტუმრო „შატო ხაშმი“ გაიხსნა

კახეთში, სოფელ ხაშმში ახალი სასტუმრო „შატო ხაშმი“ გაიხსნა. როგორც „ინტერპრესსნიუსს“ „აწარმოე საქართევლოდან“ აცნობეს, სასტუმრო გარემოს დაცვისა და სოფლის მეურნეობის მინისტრმა ლევან დავითაშვილმა და სააგენტოს „აწარმოე საქართველოში“ დირექტორმა მიხეილ ხიდურელმა გახსნეს.

მათივე ცნობით, 11 ნომრიანი სასტუმრო, რომელშიც ქართული ტრადიციული კერძების რესტორანი განთავსდება, მიმზიდველი ადგილი იქნება როგორც უცხოელი, ისე შიდა ტურიტებისთვის. ამასთან, სასტუმროში “შატო ხაშმი“ ნებისმიერ დამსვენებელს საშუალება ექნება სასტუმროს მარანში, გაეცნოს ღვინის დაწურვის ტრადიციას და დააგემოვნოს ქართული ღვინო.

როგორც სასტუმროს გახსნის ღონისძიებაზე გარემოს დაცვისა და სოფლის მეურნეობის მინისტრმა ლევან დავითაშვილმა განაცხადა, ეს სასტუმრო „ცნობილი ადგილწარმოშობის დასახელების ,,ხაშმის საფერავის'' პოპულარიზაციაში შეიტანს თავის წვლილს“.

„მცირე და საშუალო საწარმოები არის ქართული მეღვინეობის სიძლიერე. კიდევ ერთი, ძალიან კარგი მარანი გაიხსნა ხაშმში, რომელიც ცნობილი ადგილწარმოშობის დასახელების ,,ხაშმის საფერავის'' პოპულარიზაციაში შეიტანს თავის წვლილს. აქვე მოწყობილია ტურისტული ინფრასტრუქტურაც, რაც აგროტურიზმის განვითარების ხელშემწყობი და უშუალოდ ღვინის ტურიზმის მნიშვნელოვანი წილია“, -აღნიშნა ლევან დავითაშვილმა.

შპს „შატო ხაშმი“ სახელმწიფო პროგრამის „აწარმოე საქართველოში“ სასტუმრო ინდუსტრიის განვითარების კომპონენტის ფარგლებში, ფინანსური მხარდაჭერით სარგებლობს. აღნიშნული პროექტის ინვესტიციის ჯამური მოცულობა კი 1 650 000 ლარს შეადგენს. პროექტის შედეგად, შეიქმნა 20 სამუშაო ადგილი.

ვიტალი ბალა - დარწმუნებული ვარ, რომ პუტინთან შეხვედრის შემდეგ ზელენსკი რუსეთის პრეზიდენტთან მიმართებაში ვარდისფერ სათვალეებს მოიხსნის
ქართული პრესის მიმოხილვა 11.12.2019
თემურ გოჩიტაშვილი - TANAP-ის ამოქმედების შედეგად საქართველო საერთაშორისო მასშტაბის მოთამაშედ ჩამოყალიბდა
ბექა ინჯია - მაქსიმუმი უნდა გაკეთდეს იმისთვის, რომ არბიტრაჟისა და მედიაციის ინტიტუტების სტანდარტები საქართველოში მსხვილ ინვესტორთა მოთხოვნებს პასუხობდეს
ქართული USB კაბელი ტენე, მალე მეორადი ნარჩენებისგან დამზადდება
"ორიონ ჯგუფმა" ვირტუალური ფული შექმნა - სიახლე სამშენებლო სექტორში
პროკრედიტ ბანკსა და არასამთავრობო ორგანიზაცია CENN-ს შორის თანამშრომლობის მემორანდუმი გაფორმდა
ახალი ეტაპი „ემბავუდის“ განვითარებაში