პარლამენტის წინ შს მინისტრის გიორგი გახარიას გადადგომის მოთხოვნით აქცია განახლდა. აქციის 32-ე დღეს ორგანიზატორები შეკრებილებს ტრადიციულად სიტყვით მიმართავენ. პარალელურად, ე.წ ფლი მარკეტი გაიმართება, რომელზეც 40-მდე სტარტაპერი გასაყიდად თავის პროდუქციას წარმოადგენს, ამასთან სტარტაპერები რეალიზაციიდან შემოსული თანხის 20%-ს აქციების ორგანიზებისათვის გამოყოფილ ანგარიშზე ნებაყოფლობით ჩარიცხავენ.
აქციის ორგანიზატორების განმარტებით, იგეგმება ყოველდღიური გადაცემაც, რომლის ტრანსლაციაც 20:00-დან 22:00 საათამდე აქციის ფეისბუქგვერდთან ერთად, სხვადასხვა ონლაინმედია საიტზეც განხორციელდება. მათივე განცხადებით, ისინი გააგრძელებენ პროტესტს განსხვავებული ფორმებით მანამდე, სანამ მათი მთავარი მოთხოვნა - გიორგი გახარიას გადადგომა არ დაკმაყოფილდება.