ჰონგ-კონგში ათობით ნიღბიანი მამაკაცი, რომლებიც ხელკეტებით იყვნენ შეიარაღებული, სარკინიგზო სადგურზე შეიჭრა. სოციალურ მედიაში გავრცელებულ კადრებში ჩანს, თუ როგორ ესხმოდნენ თავს პლატფორმაზე მდგარ ადამიანებს და მატარებლებში მყოფ მგზავრებს თავდამსხმელები, რომელთაც თეთრი მაისურები ეცვათ.
შედეგად 45 ადამიანი დაშავდა. მათგან 1 ადამიანის მდგომარეობა კრიტიკულია.
თავდასხმა მას შემდეგ განხორციელდა, რაც ჰონგ-კონგის ცენტრში დემოკრატიის მხარმდაჭერი აქცია გაიმართა, აქციის დასაშლელად კი პოლიციამ ცრემლსადენი გაზი და რეზინის ტყვიები გამოიყენა.
ჯერჯერობით უცნობია, ვინ იყვნენ რკინიგზის სადგურზე განხორციელებული თავდასხმის მონაწილეები, თუმცა, ისინი თავს დაესხნენ იმ ადამიანებს, რომლებიც აქციიდან სახლში ბრუნდებოდნენ.