ხულოში სამგზავრო მიკროავტობუსი ამობრუნდა, არის მსხვერპლი

ხულოში, ავტოსაგზაო შემთხვევის შედეგად შუა ხნის მამაკაცი გარდაიცვლა, ხოლო სამი ადამიანი დაშავდა.

შემთხვევა რამდენიმე წუთის წინ მოხდა. არსებული ინფორმაციით, ავტოსაგზაო შემთხვევისას სამგზავრო მიკროავტობუსი ამოყირავდა. შემთხვევა ხულოში, სოფელ ვაშლოვანში მოხდა. მიკროავტობუსი ბათუმში მიდიოდა. დაღუპულიც და დაშავებულებიც სამარშრუტო ტაქსის მგზავრები არიან.

"სამგზავრო მიკროავტობუსი სოფელ ბეღლეთიდან ბათუმის მიმართულებით მოძრაობდა. იგი სოფელ ვაშლოვანთან ამოყირავდა. სამარშუტო ტაქსში დაახლოებით 12 ადამიანი იჯდა, მათ შორის სამი დაშავდა, ერთი კი გარდაიცვალა. დაშავებულები ხულოს საავადმყოფოში არიან გადაყვანილი. მათი ჯანმრთელობის მდგომარეობა სტაბილურად მძიმეა. მოქალაქეებს შორის არ არიან ტურისტები. გარდაცვლილი მამაკაციც მგზავრი იყო", - განუცხადა „ინტერპრესნიუსს“ ხულოს მერმა ვახტანგ ბერიძემ.

ადგილზე სამართალდამცავები იმყოფებიან. ფაქტზე საქართველოს შინაგან საქმეთა სამინისტრომ გამოძიება "სისხლის სამართლის კოდექსის" 276-ე მუხლით დაიწყო, რაც სატრანსპორტო მოძრაობისას წესების დარღვევას გულისხმობს, რამაც ადამიანის სიცოცხლის მოსპობა გამოიწვია.

იხილეთ ვიდეო: ფოტოები ხულოდან, სადაც სამარშრუტო ტაქსის ამოყირავების შემდეგ 1 ადამიანი გარდაიცვალა, 3 კი დაშავდა - რა ხდება ტრაგედიის ადგილზე

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს