საქართველოს წითელი ჯვრის საზოგადოების პრეზიდენტმა სტიქიის შედეგად დაზარალებულებს ჰუმანიტარული დახმარება გადასცა

საქართველოს წითელი ჯვრის საზოგადოების პრეზიდენტი ნათია ლოლაძე კახეთის რეგიონს ეწვია და ადგილობრივი ხელისუფლების წარმომადგენლებთან ერთად მონაწილეობა მიიღო 12 მაისს სტიქიის შედეგად დაზარალებული მოსახლეობისათვის ჰუმანიტარული დახმარების გადაცემაში. ამის შესახებ „ინტერპრესნიუსს“ საქართველოს წითელი ჯვრის საზოგადოებიდან აცნობეს.

მათივე ინფორმაციით, 2019 წლის 12 მაისს ძლიერი წვიმის შედეგად დაზარალებული 1272 ოჯახისა და 5000-ზე მეტ ადამიანისთვის კახეთის მუნიციპალიტეტებს ( ახმეტა, თელავი, დედოფლისწყარო, ლაგოდეხი) საქართველოს წითელი ჯვრის საზოგადოებამ ჰუმანტარული ტვირთი გადასცა წითელი ჯვრისა და წითელი ნახევარმთვარის საზოგადოებათა საერთაშორისო ფედრაციის მხარდაჭერით.

ხანგრძლივი წვიმის შედეგად დაიტბორა ეზოები და სარდაფები, გარდა ამისა, განადგურდა ინფრასტრუქტურა.

საქართველოს წითელი ჯვრის საზოგადოებამ სწრაფი რეაგირება მოახდინა რესურსების მობილიზების, კატასტროფების შედეგად დაზარალებული ადამიანების დასახმარებლად.

ღონისძიებაში ადგილობრივი ხელისუფლების წარმომადგენლებთან ერთად აგრეთვე აქტიური მონაწილეობა მიიღეს საქართველოს წითელი ჯვრის საზოგადოების მოხალისეებმა.

ასევე, 18 ივლისს, ამბროლაურის მუნიციპალიტეტში ძლიერმა სეტყვამ და ქარმა საცხოვრებელი სახლები დააზიანა. ამბროლაურის მუნიციპალიტეტის მერის ინფორმაციით, დაზიანდა რვა საცხოვრებელი სახლის სახურავი. ხუთი სახლი მთლიანად სახურავის გარეშეა დარჩენილი, სამი ნაწილობრივად დაზიანდა, არსებულ კორპუსებში 200-მდე ადამიანი ცხოვრობს. საქართველოს წითელი ჯვრის საზოგადოების მოხალისეები, ფსიქოსოციალური, პირველი დახმარებისა და კატასტროფების მართვის გუნდები სტიქიის დადგომისთანავე მობილიზებულნი იყვნენ ყველა შესაბამისი აღჭურვილობით.

„18 ივლისს, ძლიერმა ქარმა ამბროლაურში ხუთ საცხოვრებელ სახლს სახურავი გადახადა და ელექტროგადამცემი ხაზები დააზიანა. უშუქოდ თითქმის ათასი აბონენტი დარჩა. ძლიერი ქარი სულ ხუთ წუთს გაგრძელდა. ასეთი რამ ამბროლაურის ისტორიაში არ გვახსოვს. დაზიანდა რვა საცხოვრებელი სახლის სახურავი. ეს ხუთსართულიანი კორპუსებია. მათში დაახლოებით 200 ოჯახი ცხოვრობს. ხუთი სახლი მთლიანად სახურავის გარეშეა დარჩენილი, სამი ნაწილობრივად დაზიანდა“, - განაცხადა მხეიძემ.

საქართველოს წითელი ჯვრის საზოგადოების კატასტროფებზე რეაგირების გუნდის წევრებმა ფსიქოსოციალური დახმარება გაუწიეს დაზარალებული მოსახლეობის ნაწილს, გარდა ამისა, წითელი ჯვრის აღჭურვილობა და კარვები გამოყენებული იქნა შესაბამის სტრუქტურების მიერ კატასტროფაზე რეაგირების დროს.

საქართველოს წითელი ჯვრის საზოგადოების ამბროლაურის ფილიალის თანამშრომლები და მოხალისეები საჭიროების შემთხვევაში ნებისმიერ დროს მზად არიან ჩაერთონ სტიქიის სალიკვიდაციო სამუშაოებში“, - აღნიშნულია ინფორმაციაში.

ხათუნა ბურკაძე - გლობალური გამოწვევები გლობალურ ძალისხმევას მოითხოვს, თუმცა, სახელმწიფოებმა უფრო მეტი წინდახედულება უნდა გამოიჩინონ საკუთარი რესურსების  შესაქმნელად
ქართული პრესის მიმოხილვა 02.04.2020
ვალერი სოლოვეი - თუ დაავადებულთა აბსოლუტურ ციფრებს გავითვალისწინებთ, რუსეთი ევროპაში იტალიისა და ესპანეთის შემდეგ მესამე ადგილზეა
BTU-ს ახალი ამერიკული პარტნიორი StrategEast ქვეყანაში ტექნოლოგიური ჰაბის განვითარების პროცესში ერთვება
"ლიბერთი" მომხმარებელზე ზრუნვას განაგრძობს
“ემბისიმ“  3-თვიანი საშეღავათო პერიოდით სარგებლობის მსურველთა ყველა განაცხადი დააკმაყოფილა.
"კერხერ-საქართველომ" ინფექციური პათოლოგიისა და შიდსის ცენტრს საჩუქრად "კერხერის" პროფესიონალური ორთქლის აპარატი გადასცა
KFC ექსკლუზიურად "ვოლტზეა"
"საქკაბელის" პროდუქციის შეძენა ვებ გვერდზე უკვე დისტანციურად არის შესაძლებელი
D ვიტამინის დეფიციტი და მწვავე რესპირატორული ვირუსული ინფექციები
"ვენდის" და "დანკინის" რესტორნები მუშაობის ახალ გრაფიკზე გადადის
სადაზღვევო კომპანია „ბენეფიტსი“ 5000 პსრ ტესტის ჩასატარებელ ნაკრებს ლუგარის კვლევით ცენტრს გადასცემს
„საქართველოს ბანკის“ მობილბანკი ფინანსური ოპერაციების შესრულებისას ნაკლებ ინტერნეტს მოიხმარს
სილქნეტის მობილური აბონენტები საქართველოს ბანკის მობილბანკით სარგებლობას ინტერნეტის გახარჯვის გარეშე შეძლებენ
კომპანია “გრინჰილი“ უერთდება COVID-19-ის წინააღმდეგ ბრძოლის კამპანიას და ამ მიზნით სახელმწიფო ფონდში 100,000 ლარი ჩარიცხა
უკონკურენტო საბანკო მოდელი "პროკრედიტ ბანკისგან", ვიდეო იდენტიფიკაცია, ფილიალის ალტერნატივად
კომპანია „თბილღვინომ“ StopCov ფონდში 50 000 ლარი გადარიცხა
31 მარტიდან Wolt-ით შეკვეთის განთავსება 09:00-19:30 საათებში იქნება შესაძლებელი